Најдобрите есенски совети за убавина

Иако есента се карактеризира со темни, врнежливи и ладни денови, тоа не значи дека не можете да изгледате свежо, одморено и убаво како во лето. Овие есенски трикови и совети за убавина, гарантирано ќе ви го подобрат изгледот.

Најдобрите есенски совети за убавина

Негувајте го природниот изглед на веѓите

Полните веѓи се многу попривлечни од тенките, а да не ги ни спомнуваме цртаните. Отстранете ги непотребните влакна, а потоа поминете ги веѓите со моливче, една нијанса посветло од вашата природна боја.

Дадете ѝ свежина на вашата кожа

Направете пилинг, потоа нахранете ја кожата со креми и лосиони за вашиот тип кожа, правејќи ѝ лесна релаксирачка масажа. На овој начин ќе ги отстраните изумрените клетки и остатоците од шминка, а кожата ќе ви блесне со нов сјај.

Лак за нокти во маслинести бои

Војничко зелената боја е хит оваа есен. Оваа боја одговара на сите типови кожа, а можете да искористите и некоја друга боја од оние кои се носат оваа есен.

Нахранете ја вашата коса

Свежината на вашата коса можете да ја вратите со голем број маски богати со хранливи состојки, а можете да пробате и домашна маска за коса, која ќе ја направите со мешање малку маслиново масло, едно јајце и еден лимон. Откако потоа ќе ја измиете косата со шампон, исушете ја и испеглајте ја. Косата ќе ви блеска.

Испробајте фризура која му стои на секој облик на лице

Кога ќе почувствувате потреба за промена на фризурата, зошто да не пробате боб? Оваа фризура му стои на секој облик на лице, а може да биде рамна, брановидна или коса.

Долги трепки

Ништо не ги отвора и нагласува очите, повеќе од долгите трепки. Пробувајте повеќе типови маскара сè додека не ја најдете онаа што најмногу ви одговара. Нанесувајте ја во густи слоеви за да добиете подраматичен изглед.

Масла за тело за мека кожа

Кремите и лосионите не се единствен начин за хидратација на кожата. Маслата за масажа се одлични и ќе ви дадат сјаен ефект.


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран новинар со широк спектар на интереси. Љубител на ТВ серии, фудбал и Цедевита. Статистичар по природа и страстен фан на Јувентус и Роџер Федерер.

Поврзани содржини

Остави коментар