Претходно
Најбараниот тренд за 2018 година: „Конзервативна“ венчаница
Трендовите постојано се менуваат во светот на модата, а тоа се однесува и на венчаниците. Во 2018 година повторно се враќа во мода еден конзервативен стил на венчаници, што многу идни невести изјавија дека им се допаѓа.
Оваа година најбарани ќе бидат венчаниците со висока јака. Секси венчаниците со отворени грбови и невестинските фустани во форма на сирена и понатаму ќе бидат првиот избор за голем број невести, но многу од нив ја бараат и оваа поконзервативна опција на невестински фустан.
Идните невести дефинитивно не можат да погрешат со овој избор, бидејќи затворениот крој кај невестинските фустани е сѐ освен старомоден и здодевен. Венчаниците со висока јака може да бидат со или без ракави, со потполно покриен или храбро разголен грб, како и во многу други варијанти.
Освен тоа, се забележува враќањето на уште еден моден тренд, а тоа е болерото. На невестите посебно им се допаѓа болерото од проѕирен материјал и од чипка.
Што мислите вие за овие трендови? Би одбрале вакви венчаници?
Доколку планирате венчавка, сигурно ве интересираат кои ќе бидат најголемите невестински трендови за 2018 година.
