Ефикасен напиток за слабеење од Доктор Оз

Магичен напиток за слабеење од зелен чај

Популарниот американски доктор, Доктор Оз, осмислил ефикасен напиток кој придонесува во борбата со килограмите. Човекот кому му верува цела Америка, но и многу гледачи на неговата емисија ширум светот, често ги фали моќта и благотворните својства на зелениот чај, посебно за чистење на организмот и одржување на виталноста. Затоа воопшто не е чудно што токму зелениот чај е основата на овој магичен пијалак за слабеење кој тој го смислил. Напитокот по овој рецепт го забрзува метаболизмот и го прочистува организмот, па е идеален за оние кои сакаат да се ослободат од вишокот килограми.

magichen-napitok-za-slabeenje-od-zelen-chaj-kafepauza.mk

Д-р Оз истакнува дека една шолја зелен чај е доволна за неколку чуда: забрзување на метаболизмот за 12%, регулирање на шеќерот во крвта, смалување на ризикот од срцев удар и разни облици на тумор, подигнување на имунитетот, како и на расположението. Ако не го сакате вкусот на зелениот чај, додатоците во овој напиток, мандарината и нането, ќе ви помогнат да го засакате овој здрав течен додаток на вашата секојдневна исхрана.

Потребни состојки:
  • 1 литар вода
  • 5 ќесички зелен чај
  • 1 мандарина
  • 1 шака свежо нане
Начин на подготовка:
  1. Во литар врела вода, додајте 5 ќесички зелен чај и оставете ги да отстојат 3 минути. Потоа извадете ги ќесичките и почекајте да се олади.
  2. Мандарината исечете ја на парчиња. Ако можете, користете непрскана мандарина за да можете да ја сечете сосе лушпата, или во спротивно излупете ја, но задолжително оставете го белиот дел од кората.
  3. Во голема тегла или бокал со капак ставете го зелениот чај, додајте ги парчињата мандарина и свежите ливчиња нане. Затворете ја теглата и оставете ја преку ноќ за состојките добро да се соединат.

Пола литар по лице е доволна количина за еден човек во текот на следниот ден.

Доктор Оз препорачува по една шолја од овој напиток да се пие пред секое јадење и ветува добиена битка во борбата со килограмите.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

Остави коментар