Лимонова торта која ќе ја помните долго време

Лимонова торта која ќе ја помните долго време

Совршен десерт за крајот на летото

(1) Лимонова торта која ќе ја помните долго време

Потребни состојки:
За кората:
  • 125 грама несолен путер, омекнат
  • 100 грама шеќер во прав
  • 1/4 лажичка сол
  • 1 јајце
  • 250 грама брашно
За филот:
  • 300 грама шеќер во прав
  • Кора од 3 лимони, ситно рендана
  • 9 јајца
  • 250 милилитри лимонов сок
  • 250 милилитри крем
Начин на подготовка:

За да ја направите кората, со миксер изматете ги путерот, шеќерот и солта сè додека добро не се комбинираат. Додадете ги и јајцата и мешајте додека не се комбинираат. Вклучете го миксерот на слаба брзина и матете го брашното сè додека не се соедини со смесата и потоа тргнете го тестото од садот и поставете го на рамна површина. Завиткајте го со пластична кеса и оставете го во фрижидер на околу 1 час, односно додека не се олади.

Тргнете го тестото од фрижидер и оставете го на собна температура 10-тина минути пред да го поминете со сукало. Намачкајте го садот за готвење со масло и ставете малку брашно на вашата работна површина. Сукајте го тестото сè додека не добие големина од околу 3 милиметри и е малку поголемо од вашиот сад за готвење, а потоа сместете го таму. Стиснете ја базата и страните, а потоа тргнете го вишокот околу рабовите. Поставете ја кората во фрижидер и дозволете ѝ да се олади половина час, а потоа загрејте ја рерната на 160 степени.

(2) Лимонова торта која ќе ја помните долго време

Избодете го тестото насекаде со виљушка, а потоа печете на околу 20-30 минути или сè додека тоа не добие светло златна боја. Во последните минути од печењето намалете ја температурата на 130 степени, а во меѓувреме подгответе го филот од лимон. Во голем сад, ставете ги заедно шеќерот и лимоновата кора. Додајте ги јајцата и матете сè додека не добијат густа форма, а потоа сипете го лимоновиот сок и на крај кремот. Префрлете ја мешавината во тегла.

Извадете ја кората од тортата и поставете ја на рамен сад за печење. Вратете ја повторно во рерната, со отворена врата и малку повлечете ја кон вас, па внимателно сипете ја мешавината со лимонот врз неа. Полека турнете ја наназад, затворете ја вратата и печете околу 50 до 60 минути. Откако ќе завршите со печење, дозволете ѝ да се олади пред сервирање. Чувајте ја во фрижидер.

(3) Лимонова торта која ќе ја помните долго време


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар