Претходно
Крвавата Мери
„Bloody Mary“ (Крвавата Мери) е многу популарен коктел чии главни ѕвезди се вотка и џус од домати. Се гарнира со стапчиња целер, а коктелот се зачинува со сол, бибер, табаско сос, маслинки, мелен црвен пипер и други зачини по желба. Овој коктел е одлично „извинување“ за да пиете и јадете во исто време, и тоа, што ви сака душата.
Потребни состојки за 1 коктел:
- 30 мл вотка
- 90 мл џус од домати
- 2 лажички табаско сос
- 1 лажичка ворчестер сос
- 10 мл сок од лимон
- 1 прстофат сол
- 1 прстофат бибер
- 1 страк целер
- коцки мраз
Подготовка: Во голем бокал ставете ги вотката, џусот од домати и останатите зачини (освен целерот). Со жица за матење промешајте ја течноста. Коктелот претурете го во висока и длабока стаклена чаша. Ставете неколку коцки мраз. Во коктелот ставете едно стапче целер.
Забелешка: Ако сакате да направите гарнинир за коктелот како на сликата: На чепкалка набодете две парчиња кулен, една коцка кашкавал, пак едно парче кулен, уште една коцка кашкавал и на крај завршете со уште две парчиња кулен.
