Претходно
Крцкав чипс од моркови
Има ли некој што не сака чипс? Добар е за со филм, за служење гости, како и за полнење на стомаците кога нема поздрава опција. Но, купечките чипсови се пржат во многу зејтин, многу се калорични и не спаѓаат баш во здрава храна. Па, ако сте љубители на чипс, со малку труд и состојки, можете да ги добиете вашите омилени грицки, во здрава варијанта со нов вкус.
Потребно време за подготовка: 30 минути
Потребни состојки:
- 2 големи, дебели моркови
- 1 ½ лажичка маслиново масло
- 1/3 лажичка сол
- тазе сомелен црн бибер
Начин на подготовка: Наместете ги решетките во рерната така за таа да се подели на три еднакви дела и потоа загрејте ја на 180 степени. Излупете ги морковите и држејќи ги за дршката, сечете ги по должина со сечило во форма на „Y“. Ставете ги лентесто исечените моркови во сад, додадете ги зејтинот, солта и биберот и измешајте ги убаво со рацете.
Во тава поставете 2 реда хартија за печење и врз неа наредете ги лентите, така што тие нема да се преклопуваат. Печете ги 6 минути, а потоа свртете ја тавата и поставете ја на друго ниво во рерната. Печете така уште 6-8 минути додека да станат морковите кафено-златеникави. Потоа земете го чипсот со хартијата за печење и така поставете го директно на решетката во рерната да постои уште 3 минути за да стане крцкав. Потоа внимателно поставете го во сад за сервирање. Вака приготвениот чипс може да го чувате во херметички затворен сад до 3 дена.
Чипсот од моркови оди одлично со сос.
За да приготвите сос за вашите крцкави моркови, ќе ви бидат потребни:
- 1 шолја кисело млеко
- 1/4 шолја мајонез
- 3 лажички кисела павлака
- 3 лажички ситно сечкан магдонос
- 2 лажички ситно сечкан влашец (најмал вид кромид)
- 4 лажички бел вински оцет или лимонов сок
- 1 чешне ситно сечкан лук
- 1/2 лажичка сол (или повеќе)
- 1/8 лажичка свежо сомелен бибер (или повеќе)
Начин на подготовка: Ставете ги сите состојки во сад со капак и мешајте со тресење. Ставете го садот во фрижидер и после еден час можете да го сервирате.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
