Костени – слатко и здраво есенско задоволство

Костени – слатко и здраво есенско задоволство

Костенот е сладок, многу здрав и е единствен јаткаст плод кој содржи витамин Ц, поради што се препорачува одличен прехранбен продукт.

Костени – слатко и здраво есенско задоволство

На 30 грама костени има само еден грам масти. Тоа е доволно добра причина за дефинитивно да го вклучите во исхраната оваа есен. Освен тоа, костенот изобилува со фолати, кои инаку ги има во зелениот, лиснат зеленчук, а освен тоа има и фолна киселина, витамини Б1, Б2 и Б6. Костенот е и одличен извор на влакна, кои го смалуваат нивото на холестерол, а содржи и цела низа минерали – калциум, бакар, железо, цинк, фосфор, магнезиум, манган, кои го урамнотежуваат крвниот притисок и работата на метаболизмот.

Препорачлива дневна доза од овој есенски плод, е 85 грама дневно што е околу 200 калории доколку ги јадете печени и дупло помалку калории ако ги консумирате варени.

Во народната медицина костенот се користи за ослободување од дигестивни и бубрежни тегоби, а чајот од костени одлично се бори против симптомите на бронхитис и астма.

Испечете си костени во рерна

Загрејте ја рерната на 200 степени Целзиусови. Користејќи мал, остар нож направете длабок рез на едната страна од секој костен. Ставете ги во тава и печете ги 30-40 минути, додека кората да се отвори и внатрешноста да омекне.

Костени – слатко и здраво есенско задоволство


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Љубопитна новинарка и маркетерка со истражувачки дух, која е во вечна потрага по доза креативност. Животно мото ѝ е дека без утринско кафе, испеана песна и барем малку возбуда, не треба да ѝ помине ниту еден ден. Неостварен сон - да го прошета светот.

Поврзани содржини

Остави коментар