Кои бои ќе доминираат за време на есенската и зимската сезона?

Кои бои ќе доминираат за време на есенската и зимската сезона?

Полека, но сигурно ни се приближува новата сезона, а со нејзиното доаѓање следува и промена на гардеробата. Веќе дознавме кои се новите трендови што ни ги носи есента, но што е со боите? Продолжете со читање доколку сакате да дознаете кои бои ќе ги преплават улиците за време на постудените сезони…

(1) koi-boi-kje-dominiraat-za-vreme-na-esenskata-i-zimskata-sezona-www.kafepauza.mk

Бела

Бојата што ја обожававме преку летото успева да го задржи своето место на врвот, па таа ќе биде исто толку популарна и во постудените месеци. Секако, за време на есенските и зимските денови нема да можете да се облечете од глава до пети во бело, но ако сакате да бидете во тренд, доволно ќе ви биде и еден впечатлив бел детаљ, како на пример чанта или чевли.

(2) koi-boi-kje-dominiraat-za-vreme-na-esenskata-i-zimskata-sezona-www.kafepauza.mk

Розова

Зарем би можела да дојде нова сезона без омилената боја на младите генерации? Изгледајте нежно и за време на студените денови со пастелните нијанси на розовата боја, но нема да згрешите ни ако изберете малку понападни нијанси, особено ако имате цел да привлечете внимание.

(3) koi-boi-kje-dominiraat-za-vreme-na-esenskata-i-zimskata-sezona-www.kafepauza.mk

Црвена

Црвената боја се смета за бојата на есен/зима 2017 па затоа и не смеете никако да пропуштите да ја вметнете во вашите секојдневни модни комбинации. Ако сте доволно храбри, можете дури и да се облечете од глава до пети во оваа боја, но ако не сакате да експериментирате, доволен ви е и само еден детаљ, како црвени чизми или чанта. Од друга страна пак, за оние што се потрадиционални во стилот – црвениот фустан никогаш нема да излезе од мода.

(4) koi-boi-kje-dominiraat-za-vreme-na-esenskata-i-zimskata-sezona-www.kafepauza.mk

Зелена

Од маслинеста до бојата на тревата, оваа есен зелената ќе биде доминанта на сите видови парчиња облека и модни додатоци. Одберете нијанса која најдобро ви одговара на тонот на кожата, но дури и да се одлучите за некоја похрабра варијанта, во текот на следните две сезони нема да можете да згрешите!

(6) koi-boi-kje-dominiraat-za-vreme-na-esenskata-i-zimskata-sezona-www.kafepauza.mk

Неутрални бои

Нијансите инспирирани од природата се секогаш во тренд за време на есента. Токму затоа и овој пат најдобро ќе изгледате доколку ги комбинирате неутралните есенски и зимски тонови со силни и впечатливи бои.

(5) koi-boi-kje-dominiraat-za-vreme-na-esenskata-i-zimskata-sezona-www.kafepauza.mk

Прочитајте и кои 14 парчиња облека го изобличуваат сечие тело!


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар