Како да опстане врската на далечина?

Како да опстане врската на далечина?

Вашиот партнер добил супер понуда за работа во друг град или држава. Многу го/ја сакате и сте решени да пробате со врска на далечина. Сите кои пробале, знаат колку може да биде тешка. Многупати ќе се прашувате каде е, што прави, дали му/ѝ недостигате и дали мисли на вас. Ако навистина го/ја сакате, немојте да дозволите далечината да ви ја уништи врската. Погледнете ги советите од оние кои успешно ја „преживеале“ врската на далечина.

kako-da-opstane-vrskata-na-dalechina-kafepauza.mk

1. Создадете основни правила

Разговарајте за сè отворено и искрено. Однапред создадете неколку основни правила како: дали може да се гледате со други личности, колку често и кога ќе се слушате, во кои ситуации задолжително ќе се гледате.

2. Комуницирајте

Врската без меѓусебна комуникација не може да успее. Затоа, секојдневно разговарајте и кажувајте му/ѝ сè што ви се случило. Докажете му дека мислите на него/неа и дека ви недостига.

3. Фотографирајте се

Бидејќи не можете физички да го минувате времето заедно, фотографирајте се додека сте на кафе со пријателите или во некоја друга ситуација, па потоа пратете му/ѝ ги фотографиите. Ова ќе го/ја расположи.

4. Планирајте средби

Колку и да е добра вашата комуникација, некогаш ќе биде потребно да го видите. Испланирајте кој кого ќе посети и држете се до ветувањето.

5. Договорете се во исто време да гледате серија или филм

Ова е едноставен начин да се поврзете додека сте со километри разделени. Пуштете серија или филм кој ви се допаѓа, а потоа кога ќе заврши споделете си ги импресиите како кога би биле заедно.

6. Прифатете ја несигурноста

Кога ќе бидете еден до друг, сè може да ви биде напнато и чудно како на почетокот на врската. Можеби ќе се запрашате дали сè уште го/ја сакате и дали оваа врска е вредна за вашиот труд. Овие мисли се нормални, но по неколку часа ќе се сетите на сите убави моменти кои сте ги поминале заедно.

7. Изненадете го/ја

Замислите го изразот не неговото/нејзиното лице кога ќе чека повик од вас, но наместо тоа вие ќе се појавите на неговата врата! Изненадете го/ја, сигурно ќе биде пресреќен/на.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар