Како да направите здрава пица?

Оние кои се трудат да се хранат здраво максимално ја избегнуваат пицата. Тоа е оправдано, имајќи ја предвид количината на калории, масти и хемиски додатоци кои можат да се најдат во неа. Сепак, со мали промени во приготвувањето на традиционалниот рецепт на пицата, таа може да се претвори истовремено и во здрав и во многу вкусен оброк.

Како да направите здрава пица?

Тесто – Избегнувајте да приготвувате тесто со бело брашно, исто како и замрзнатото тесто за пица. Наместо тоа замесете тесто со интегрално брашно, кое има многу поголема хранлива вредност од белото, вкусно е и подолго ќе ве држи сити.

Сос – Разните видови кечап кои се наоѓаат на полиците во супермаркетите се полни со најразлични хемиски додатоци. Наместо со нив, тестото премачкајте го со домашно приготвен сос од домати, маслиново масло и зачини. Не само што е поздрав, туку е и многу повкусен од кечапот.

Месо – Повеќето сувомесни производи едвај содржат месо во нив за да можат да го носат тој назив, а освен тоа се полни со хемиски додатоци кои штетно влијаат на метаболизмот. Следниот пат кога ќе приготвувате пица заменете ги со пилешко или мисиркино месо, малку сланина или пршута.

Зеленчук – Домати, пиперки, кромид, лук, тиквички, печурки, маслинки… Само имагинацијата е граница за тоа каков сè зеленчук може да ставите во вашата пица. Битно е само да го има во што поголема количина.

Сирење – На крај ставете какво било сирење, но најдобро е да биде со ниска масленост.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар