Претходно
Како да ги носите бисерите кои се тотален хит во светот?
Датум: 11 мај 2016
Коментари: 0
Бисерите секогаш биле синоним за софистицираност, елеганција и одмереност. Бидејќи тие сега се вистински хит помеѓу дамите кои ја следат модата, ние ви споделуваме неколку феноменални идеи како можете да го вклопите овој прекрасен накит во вашиот дневен стил.
Пред сè, погледнете што ни доаѓа од модната писта!
Бисерите се детали кои на облеката, но и на обувките им даваат посебна нота. Кога се обувките во прашање, интересно е тоа што со малку волја можете со вашите чевли да се вклучите во „направи сама“ проект со бисери. Освен тоа, на дневно, но и на вечерно ниво можете да ги носите на разни начини.
Бисерниот ѓердан е многу елегантен, но неколку подолги создаваат потполно шик комбинација. Одлично се вклопуваат со фустани или пантолони, односно со рамни обувки и со висока потпетица.
Бисерните обетки не мора секогаш да бидат премногу дискретни. Одлучете се за покрупни бисери и слободно носете ги во лежерни варијанти.
Чантите со бисери изгледаат многу интересно. Доколку не можете да си допуштите некоја скапа чанта, тогаш зошто да не би си поиграле со бисерите кои можете да ги купите во некоја позаментерија и некоја стара плик чанта?
Всушност, со бисерите можете да украсите и некои други дневни парчиња, само доколку ѝ се препуштите на фантазијата. Задолжително искомбинирајте еден ваков аксесоар.
