Како да ги комбинирате пантолоните со широки ногавици оваа пролет?

Како да ги комбинирате пантолоните со широки ногавици оваа пролет?

Пролетта е вистинско време за лесни, разлетани парчиња облека, бидејќи надвор е доволно топло за конечно да се ослободиме од дебелата, зимска гардероба. А доколку се прашувате со што да го освежите вашиот гардеробер оваа сезона, ние ви предложуваме ефективни пантолони со широки ногавици и висок струк кои ќе бидат апсолутен тренд во наредните месеци.

2-kako-da-gi-kombinirate-pantalonite-so-shiroki-nogavici-ovaa-prolet-www.kafepauza.mk_

Ова парче облека е достапно во различни модели, бои и материјали, а ќе одговара за сите ваши потреби, без разлика дали станува збор за дневни, лежерни или вечерни, елегантни прилики. Лесни се и практични, па во нив со сигурност ќе се чувствувате удобно, а освен тоа ќе изгледате многу убаво и стилизирано. Овие пантолони ќе го направат вашиот изглед интересен и поразличен, а дефинитивно ќе се издвојувате од толпата девојки кои и понатаму лудуваат за тесните фармерки.

Доколку ви се чини дека овој модел на пантолони е тежок за комбинирање, се лажете. Всушност, едноставно е, само потребно е да имате неколку клучни парчиња облека и да се забавувате!

1. Краток топ

Веќе знаеме дека комбинацијата на контрастни парчиња облека е добитна и со задоволство спојуваме долго и кратко, тесно и широко и останати слични парови. Исто така, со вашите лесни, широки панталони со висок струк одлично ќе се вклопува краток, залепен топ кој малку ќе го открие вашиот стомак. Ваквата комбинација е многу впечатлива и модерна и како таква е одлична за вечерни излегувања или слични малку лежерни варијанти. Задолжително додадете и интересно парче накит или модел на чанта и надополнете го вашиот изглед.

3-kako-da-gi-kombinirate-pantalonite-so-shiroki-nogavici-ovaa-prolet-www.kafepauza.mk_

2. Елегантна блуза

За формални прилики, заедно со своите омилени пантолони со висок струк и широки ногавици, можете да вклопите елегантна блуза или блејзер кој на вашиот изглед ќе му ја даде потребната доза на работен изглед. Доколку вашиот избор е токму ваква или слична блуза, задолжително вовлечете ја во пантолоните, за да ги истакнете, а освен тоа, и вашата фигура на тој начин ќе изгледа совршено. Во зависност од приликата, изберете соодветен модел чанта и обувки, а ќе изгледате шик доколку на целата комбинација додадете и шешир.

4-kako-da-gi-kombinirate-pantalonite-so-shiroki-nogavici-ovaa-prolet-www.kafepauza.mk_

3. Кошула

Кој вели дека работните комбинации мора да бидат досадни и монотони? Одберете го својот омилен модел пантолони и комбинирајте ги со кошула и обезбедете си себеси професионален, но и тренди изглед. Со соодветниот аксесоар, ќе можете да изгледате модерно и ефективно дури и во канцеларијата која е сосема неинспиративна. Секако, комбинацијата на кошула и ваков модел пантолони може да се носи и во неформални прилики, особено ако изберете тексас или макси кошула која намерно ќе ја заврзете околу струкот.

5-kako-da-gi-kombinirate-pantalonite-so-shiroki-nogavici-ovaa-prolet-www.kafepauza.mk_

4. Обувки со висока потпетица

Задолжителен додаток на вашиот омилен модел пантолони се дефинитивно чевлите со висока потпетица. Најнапред, тие ќе направат да изгледате повитки и поубави, а освен тоа ќе ги истакнат пантолоните кои многу поубаво ќе „паѓаат“, а со самото тоа и подобро ќе изгледаат. Без разлика дали вашиот избор ќе биде подолг или пократок модел пантолони, пронајдете ги соодветните чевли на висока потпетица и заблескајте со нив!

6-kako-da-gi-kombinirate-pantalonite-so-shiroki-nogavici-ovaa-prolet-www.kafepauza.mk_


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар