Како да ги дизајнирате ноктите со изглед на култните патики Старки?

За да направите ваков оригинален изглед на вашите нокти, потребно ви е тенко четче, црн, бел, сребрен и проѕирен лак, алатка за нокти со мала кугличка на врвот и малку труд.

Како да ги дизајнирате ноктите со изглед на култните патики Старки?

Начин на изработка:

Нанесете два слоја црн лак на вашите нокти. Откако ќе ви се исуши лакот, нанесете бел лак на горниот дел од ноктите како за француски маникир. Доколку не сте многу прецизни, можете да залепите селотејп врз ноктите, со цел завршната линија да биде идеална. Потоа нанесете по 3 точки вертикално распоредени на левата и десната страна од нокотот, користејќи сребрен лак и алатка со мала кугличка на врвот. Потоа, со тенко четче и бел лак поврзете го точките, креирајќи вкрстено протнати врвки од патики. Врз сребрените точки, нанесете помала точка со црн лак. Откако ќе завршите со врвките, врвот направете го така што на горниот дел од нокотот, врз белиот лак, ќе нацртате црна кружна линија. Маникирот финиширајте го со еден слој безбоен лак. Во неколку чекори, добивте кул нокти со изглед на Старки. :)

Совет: Доколку ноктите ви се кратки, може да ви биде малку потешко да го направите овој дизајн, со оглед на тоа што имате помала површина за цртање.

Деталната изработка, погледнете ја во видеото:




Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Љубопитна новинарка со истражувачки дух, во вечна потрага по доза креативност. Животно мото ѝ е дека без утринско кафе, без испеана песна и без малку возбуда не треба да ѝ помине ниту еден ден. Се релаксира со фина музика, длабок филм или прошетка во природа во добро друштво. Верува дека добриот совет и астрологијата ѝ помагаат да се разбере себеси и светот околу неа. Неостварен сон - да го прошета светот.

Поврзани содржини

Остави коментар