Испробани начини за сечење кромид без да ви солзат очите

Сите луѓе не се подеднакво осетливи на тешките материи кои ги испушта кромидот при сечкањето, а кои доведуваат до печење и солзење на очите. Според тоа, некои методи може да се погодни за вас, други може да не се. Ги избравме најдобрите тестирани начини за сечење кромид без непријатен ефект на река од солзи, печење и иритација.

Испробани начини за сечење кромид без да ви солзат очите

Сечете го кромидот под аспиратор

Наместете ја даската за сечкање на шпоретот и вклучете го аспираторот за готвење. Тој ќе го влече иритирачкиот гас од кромидот заради што ќе чувствувате помалку иритација на очите. Зависно од сензитивноста на вашите очи, може да почувствувате печење, но голема е веројатноста дека ќе успеете да исечкате цела главица без да пуштите ни солза.

Џвакајте мастика додека сечкате

Овој трик не бара никакви посебни предуслови и може да не биде сосема ефективен, но вреди да се проба. Може да чувствувате иритација и печење на очите, но веројатно ќе успеете да сечкате околу 2 минути без да заплачете.

Испробани начини за сечење кромид без да ви солзат очите

Замрзнете го кромидот 15 минути пред да го сечете

Овој трик е фантастичен, и тоа не само заради тоа што вам ќе ви го направи сечењето поудобно, туку и заради тоа што и останатите во просторијата нема да го почувствуваат непријатниот мирис од кромидот. Треба однапред да го испланирате времето потребно за замрзнување и да внимавате да не го заборавите кромидот предолго во замрзнувачот. Ладното ќе го спречи испуштањето на хемикалиите од кромидот кои го предизвикуваат иритирачкиот ефект на очите. Кромидот ќе има ист вкус, само може да ви биде малку потврд за сечење и за лупење на лушпата.

Носете очила за пливање

Освен што ќе изгледате чудно во кујната, овој трик функционира одлично. Исто така може да биде проблематично доколку веќе носите диоптриски очила, но дури и така, можете да се обидете да ги ставите нив над оние за пливање. Ова ќе ви даде уште почуден изглед, но барем ќе завршите работа без солзи. За многумина, и контактните леќи делуваат заштитно и оневозможуваат јаките гасови од кромидот да дојдат до очите.

Испробани начини за сечење кромид без да ви солзат очите

Чувајте го кромидот во фрижидер

Овој метод функционира слично како претходниот, со тоа што има две негативни последици: може да влијае на расипување на останатата храна во фрижидерот доколку се чува предолго таму и кромидот нема да го има оној крцкав ефект кога ќе се зготви. Наместо постојано да го чувате во фрижидер, можете да го ставите да се излади 30 минути пред сечење. Може да осетите печење и наводнување на очите, но нема да заплачете. Ако вообичаено само солзите при сечење кромид, а не чувствувате печење, овој трик е добар за вас.

Потопете го кромидот во вода

Излупете го кромидот и исечете ги краевите. Потопете го во сад со вода и оставете го да постои 15 минути за да ги извлече сулфурните состојки во неа. Потоа, извадете го кромидот и сечкајте го без солзи и без јако печење на очите. Недостатоци од примена на овој трик се тоа што кромидот ќе биде полизгав и ќе изгуби од својот вкус.

Испробани начини за сечење кромид без да ви солзат очите

Сечете го кромидот под млаз вода

Овој метод е ефикасен како претходниот со таа разлика што кромидот уште повеќе се лизга, а млазот бутка и многу од веќе исечканите парчиња. Ефикасно ја спречува иритацијата и солзењето, но не е многу практичен за изведување.

Други трикови и методи

Отстранување на конусен дел од кромидот  Некои сугерираат дека со отстранување на конусен дел од долната страна на кромидот (кај коренот, 1/3 во ширина и 1/3 во длабочина) го елиминирате делот во кој се содржани најголем дел од материите кои ја предизвикуваат иритацијата.

Испробани начини за сечење кромид без да ви солзат очите

Палење свеќа во кујната – Некои предлагаат да запалите свеќа пред сечењето, но тоа повеќе ќе ја впие миризбата, додека сè уште ќе го има непријатниот ефект врз очите.

Држење на јазикот на врвот од устата и дишење со отворена уста – Овој метод би требало да оневозможува иритирачките материи да дојдат до вашите очи.

Користете остар нож – Со остар нож и подобрување на вашата техника на сечење, помалку ќе го гмечите кромидот и со тоа помалку ќе се испуштаат материите кои предизвикуваат иритација. Дополнително, побрзо ќе завршите работа, па непријатното чувство пократко ќе трае.

Не фаќајте ги очите додека сечете – Не тријте ги очите кога ќе почнат да ве печат. Соковите кои ги испушта кромидот се на вашите прсти и со тоа ги носите директно во вашите очи.

Испробани начини за сечење кромид без да ви солзат очите

Купувајте сладок кромид – Сите видови кромид немаат ист ефект врз очите. Слаткиот кромид предизвикува помала иритација од белиот, црвениот и жолтиот.

Чувајте го кромидот за последен – Завршете со подготовка на сите други состојки и оставете го кромидот за на крај. Така ќе поминете многу помалку време во кујната низ која се раширени иритирачките материи во воздухот.

Колку повеќе сечете, толку повеќе станувате отпорни – Со тек на време, вашите очи ќе стануваат поотпорни и помалку ќе плачете. Па ако ниеден трик не функционира за вас, единствено што ви преостанува е да бидете упорни и да чекате полесни денови во кујната.

За авторот
Читај на раат!

Поврзани содржини

  1. Euro Reply

    “Слаткиот кромид предизвикува помала иритација од белиот, црвениот и жолтиот.”

    A каква боја има слаткиот кромид ако не е бел, црвен или жолт?????

    • Кафе пауза Reply

      Исто изгледа, така се вика сортата.

  2. chef Reply

    najednostaven trik, koj kaj mene skoro sekogas raboti – napolnete ja ustata so voda dodeka secete. vodata vo ustata go vrzuva visokot voda vo ovoj del od teloto, pa nema da vi solzat ocite.

Остави коментар