Физичка активност што ќе им се допадне и на најголемите мрзливци: Јога со пиво!

Само што ќе си помислиме дека сме виделе сѐ во светов, ќе се појави некој креативен човек со иновативни идеи што никогаш не би ни паднале на памет. Замислете си да вежбате јога додека истовремено пиете пиво!

Физичка активност што ќе им се допадне и на најголемите мрзливци: Јога со пиво!

Оваа физичка активност не е популарна само во Германија, туку и во Австралија, а се надеваме дека ќе пристигне и во другите земји ширум светот. Вистинско изненадување е тоа што најновите фитнес трендови споија две навидум неспојливи активности како што се пиењето алкохол и спортувањето, односно вежбањето јога.

Можеби ви звучи невозможно, но ако размислите подобро, ќе сфатите дека овие две активности совршено се надополнуваат. Сите знаеме колку опушта чашата ладно пиво по напорниот работен ден. Сега искомбинирајте го тоа со смирувачка вежба како што е јогата. Моќта на пивото и ефектот на јогата одлично соработуваат и несомнено можат да доведат до блажена хармонија.

Физичка активност што ќе им се допадне и на најголемите мрзливци: Јога со пиво!

За време на часовите, учесниците прават традиционални јога вежби додека одржуваат рамнотежа со полни шишиња пиво поставени на различни делови од телото, а истовремено и пијат од нив. Со оглед на тоа што пиењето пиво и вежбањето јога се терапии кои му се познати на човекот уште од дамнешни времиња, овој најнов тренд само ги соединува двете активности во едно со цел да пружи посебно искуство.

Физичка активност што ќе им се допадне и на најголемите мрзливци: Јога со пиво!

Не се знае со сигурност кој прв ја измислил јогата со пиво, но таа за прв пат била претставена во јавноста за време на годишниот културен собир во САД пред неколку години. Наскоро, овој тренд се проширил насекаде во светот поради што значително се зголемил бројот на инструктори кои професионално се занимаваат со ваков тип јога. За кратко време, јогата со пиво стана многу популарна во Европа, Австралија и Азија, особено во Тајланд.

Физичка активност што ќе им се допадне и на најголемите мрзливци: Јога со пиво!

Една од професионалните инструкторки, Јула, која подоцна го развила целиот концепт во Германија и е сопственик на една од најголемите сали за вежбање јога со пиво, тврди дека активноста звучи многу забавно, но станува збор за нешто многу повеќе од тоа.

Според неа, луѓето кои се под благо дејство на алкохол, особено пиво, можат подобро да ги достигнат нивоата на свесност што јогата ни помага да ги откриеме. Оние кои пробале, ја препорачуваат јогата со пиво за љубителите на јога кои се многу срамежливи и не можат да се опуштат толку лесно. Пивото го забрзува процесот на ослободување од стресот, им помага на луѓето да заборават на секојдневните проблеми и побрзо ги смирува.

Физичка активност што ќе им се допадне и на најголемите мрзливци: Јога со пиво!

Доколку сте љубители на пивото и јогата и отворени сте за нови искуства, дефинитивно треба да ја пробате оваа активност. Со оглед на тоа што во нашата земја сѐ уште нема вакви студија, можете да пуштите видеа на Јутјуб кои ќе ве запознаат со сите нивоа на вежби. Станува збор за посебно искуство за кое нема да се покаете.

Погледнете го и видеото за да добиете претстава како изгледаат јога вежбите со пиво…

Доколку не сте љубители на пивото и оваа активност не ве привлекува, погледнете ги следниве 8 лесни јога вежби за истегнување на целото тело.

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар