Фитнес предизвик за затегнување на целото тело: 1 вежба, 10 минути, 27 денови

Фитнес предизвик за затегнување на целото тело: 1 вежба, 10 минути, 27 денови

Дали некогаш сте се запрашале зошто потклекнувањата се омилена вежба на сите оние кои сакаат затегнато тело? Тајната е во тоа што оваа едноставна вежба истовремено ги затегнува задникот, бутините, бедрата, грбот, па дури и стомачните мускули. Па, ако сакате целосно да се затегнете за помалку од 1 месец, тогаш правете само потклекнувања со постепено зголемување на бројот на повторувања.

Фитнес предизвик за затегнување на целото тело: 1 вежба, 10 минути, 27 денови

Почнете со 10 потклекнувања, а секој нареден пат правете 5 повеќе од претходниот ден. Секој 6-ти ден одмарајте се целосно, без никакви вежби, а 7-от ден продолжете онаму каде што сте застанале 5-от ден. Вие 5-от ден треба да стигнете до 30 потклекнувања, а со исто толку треба да почнете и 7-от ден.

Следниот ден за одмор е 12-от ден, додека пак 13-от продолжувате со 50 потклекнувања, исто колку што сте правеле на 11-от ден. Повторно продолжувате со по 5 зголемувања на повторувањата, така што по одморот на 18-от ден ќе продолжите со 70. Последниот ден за одмор е 24-от ден, а следните 3 дена потоа правете 90, 95 и за крај, 100 повторувања.

Немојте веднаш да се исплашите од овие бројки и да се откажете уште пред да започнете. Кога ќе стигнете до 50 повторувања, вие можете да направите и 2 серии по 25. Адаптирајте ја вежбата според вашето тело, бидејќи најважно е само да издржите до крај.

Како што ќе поминуваат деновите, така и вие полека ќе влегувате во форма и со тек на време воопшто нема да ви бидат тешки овие повторувања.

Правилна положба за потклекнувањата

Многу е важно да ја изведувате оваа вежба правило, со цел да не се повредите и да извлечете што е можно подобри резултати. Најпрво, застанете во расчекорен став, гледајте право пред себе и исправете го грбот. Испружете ги рацете на ниво на рамената, раширете ги стапалата во ширина на рамената и почнете со поклекнувањата.

Обидете се да се спуштате и подигнувате со помош на задникот и мускулите од стомакот, а не со колената бидејќи на тој начин можете сериозно да се повредите.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар