Фибромиалгија: Мит или реално и опасно заболување?

Дали имате болки низ целото тело, но не знаете зошто? Во овој случај може да станува збор и за обичен замор, но фибромиалгијата, мистериозно заболување за кое лекарите сè уште се расправаат, има слични симптоми.

Pain In A Body Of The Man

Прашањата кои ги поставуваат лекарите се: „Како настанува?“ „Дали воопшто постои?“ И единственото нешто во кое се согласуваат е дека треба навреме да се грижите за вашето здравје. Погледнете некои од симптомите и митовите за оваа болест.

Симптоми:

  • Имате постојани болки повеќе од 3 месеци.
  • Заморот и вкочанетоста се најсилни наутро.
  • Имате проблеми со спиењето.
  • Болката е многу посилна во некои делови од вашето тело.
  • Постојано имате главоболки.
  • Вашите менструални циклуси се многу болни.
  • Чувствувате неудобност во цревата додека мокрите.
  • Чувствувате влијание при промена на временските услови и реагирате на студ и на топлина, како и на остри ароми и на врева.
  • Вашата телесна температура може да се покачи без никаква причина.
  • Имате чудно чувство во вашето тело, особено во екстремитетите, како трпнење, отоци и слично.
  • Тешко ви е да се концентрирате и да помнете работи.
  • Постојано сте иритирани или во депресивно расположение.

Митови

Не е болест, само субјективни сензации

Вистината е токму спротивното. Фибромиалгијата е едно од најчестите нарушувања на коскено-мускулниот систем. Сепак, постојат многу неодговорени прашања за оваа болест, па дури и меѓу лекарите. На пример, сè уште не е познато што ја предизвикува болеста.

Им се заканува само на постарите жени

Ова не е вистина. Болеста може да ги нападне и децата, а луѓето кои се дијагностицирани најчесто се на возраст од 20 до 50 години. Статистички, фибромиалгијата почесто се појавува кај жените, но тоа не значи дека мажите се имуни на ова нарушување.

Не е толку лошо. Болката се трпи

И ова не е точно. Болките може да водат дури и до неспособност за извршување на секојдневните обврски. Исто така, фибромиалгијата го зголемува ризикот од мозочен удар, особено кај младите луѓе.

Што да правите?

Прво и најважно: Консултирајте се со лекар

Само лекарот може да одреди дали имате фибромиалгијата и да ви ја препише потребната терапија.

Терапија со лекови

Како правило се препишуваат аналгетици за оваа болест. Понекогаш се препишуваат и антидепресиви.

Физичка активност, масажа и други процедури

Сите овие активности може да ја вратат подвижноста на вашето тело. Во Јапонија се користат кратки сеанси со криотерапија. Се препорачува и спортувањето, но умерено. Јогата и пливањето се добри избори.

Враќање на емоционалната рамнотежа

Сè што ве ослободува од негативното расположение и депресијата има позитивен ефект. Според лекарите, дури и терапијата со миленичиња може да ги ублажи симптомите на болеста.

Мапа за болки

(2)12-simptomi-na-bolka-koi-ne-treba-da-gi-ignorirate-kafepauza.mk

Притиснете ги означените точки на вашето тело. По правило, болката е тапа и плитка и е фокусирана на мал предел. Главниот знак за некакво нарушување е симетричната распределба на точките. Ако чувствувате болка на секоја од точките означени на фотографијата, немојте да ја одложувате посетата на лекар.

Доколку имате болки во стомакот, оваа мапа ќе ви помогне да откриете што ви е.

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар