Есента е идеално време за да ја испробате диетата со печурки

Есента е идеално време за да ја испробате диетата со печурки

Печурките содржат хранливи влакна кои ја стимулираат работата на цревата и допринесуваат за чувство на ситост, па така нема да посегнувате по нездрава брза храна која допринесува за создавање масти во организмот. Оваа диета е совршена за оние кои не можат да го поднесат чувството на глад.

Печурките уште се нарекуваат „месо за вегетаријанци“ и тие се идеална замена за месото, особено доколку сакате да ослабете на здрав начин. Печурките се состојат од протеини и влакна кои создаваат чувство на ситост, а имаат многу малку калории – 150 грама шампињони содржат само 30 калории. Оваа диета ќе ви помогне да го подобрите вашиот изглед, бидејќи печурките содржат витамин Б, железо, цинк, калиум и селен кои се одлични за кожата, косата и ноктите.

Диетата со печурки трае 5 недели, а за ова време можете да изгубите околу 5 килограми. Не треба да внесувате дневно повеќе од 1.550 калории, а покрај печурките диетата содржи и 5 порции овошје и зеленчук и половина литар млеко за да му обезбедите на организмот доволна количина хранливи материи. Се препорачува за еден оброк да изедете околу 250-300 грама свежи печурки.

Целта на оваа диета е да го замените месото со печурки секогаш кога ќе имате можност за тоа. На пример, подгответе ориз со печурки, испечете печурки на жар како предјадење, наместо мелено месо за шпагети користете исечкани печурки, направете вкусен гулаш со печурки или пита. На Интернет можете да пронајдете многу рецепти за вкусни оброци со печурки.

Доколку подолго време водите битка со килограмите, погледнете ги овие заповеди за трајно губење на килограмите.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар