Десерт за 15 минути: Безглутенски какао коцки

Десерт за 15 минути: Безглутенски какао коцки

Доколку сакате да се засладите со нешто здраво, а немате многу време на располагање, тогаш овие вкусни колачиња од какао се идеалното решение за вас. Не се печат, не содржат глутен, а одлични се и за вегетаријанци… Не се двоумете, веднаш започнете да ги подготвувате!

1-vkusni-brauni-kolachinja-kakao-kocki-bez-gluten-koi-se-gotovi-za-15-minuti-www.kafepauza.mk_

Потребни состојки (за 15 коцки):

  • 300 грама урми без семки
  • 300 грама ореви
  • 9 лажици какао во прав
  • 2 лажици екстракт од ванила
  • 50 милилитри јаворов сируп или мед
  • 2 лажици кокосово масло
  • Прстфат сол

Начин на подготовка:

Смелете ги урмите и оревите во блендер, па додајте 6 лажици какао во прав, една и половина лажица екстракт од ванила, 2 лажици вода и прстофат сол. Блендирајте ја смесата сѐ додека не започне да се одвојува од ѕидовите на блендерот, а потоа правилно натиснете ја во правоаголна тава.

Во посебен сад измешајте го преостанатото какао и екстрактот од ванила заедно со две лажици кокосово масло и јаворов сируп. Мешајте додека не исчезнат сите грутки, а потоа со него прелијте ги колачињата, па оставете да се изладат околу 2 часа пред да ги послужите. Пријатно јадење!

Совет плус: Вака подготвениот колач можете да го чувате во фрижидер и до 2 недели, а доколку го ставите во фрижидер за длабоко замрзнување, тогаш може да издржи и до 2 месеци.

Доколку не сте големи љубители на слатките работи, но сепак сакате да го избегнете глутенот, тогаш ви предлагаме да ги приготвите овие солени, брзи и вкусни безглутенски рецепти.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар