Дали имате емоционална афера?

Дали имате емоционална афера?

Ако сте си го поставиле ова прашање, одговорот најверојатно е да. Воочувањето на вашата грешка е првиот чекор кон нејзино исправување, па вие сте на вистинското место. Можеби имате емоционална афера, но не е доцна да ја прекинете и да се промените!

Woman texting while her boyfriend is asleep

Доколку го читате овој текст, сигурно си ги имате поставено следниве прашања:

  • Дали разменувањето пораки со личност од спротивниот пол е неверство?
  • Дали одењето на ручек со пријател од спротивниот пол (без да му кажете на партнерот) е неверство?
  • Ако си праќате имејлови со колегата за вашите хобија, дали тоа е емоционална афера?
  • Дали е неверство ако пишувате со бившиот партнер?
  • Дали размислувањето за друг маж е неверство?
  • Дали е во ред да ме привлекува некој друг освен мојот сопруг, без тој да знае за тоа?

За да ви дадеме одговор на овие прашања, важно е да знаете што НЕ спаѓа во емоционална афера:

1. Емоционалната афера никогаш не е еднострана

Ако само размислувате за некого или пак, се чувствувате поврзано со личност што не ги дели вашите чувства, тоа не е емоционална афера. Можеби е некој вид неверство бидејќи мислите на некој друг, но ова не е емоционална афера.

2. Емоционалната афера не е вистинско платонско пријателство

Овде не спаѓа вашиот пријател од спротивниот пол за кој сопругот знае. Ако имате ваков пријател уште пред да го запознаете сопругот, а меѓу вас нема никаква хемија, дружењето со овој пријател не е неверство.

3. Емоционалната афера не е професионалната поврзаност со колегата

Дури и ако поминувате многу време со некој колега, сè додека односот е професионален, не станува збор за афера.

4. Врски со личности од спротивниот половина

Дури и ако станува збор за привлечни личности, ова е во ред сè додека се однесувате со почит.

Па, што е емоционална афера?

Секој пат кога ќе одберете да се отворите кон некого (освен вашиот сопруг) и да се поврзете подлабоко, вие започнувате емоционална афера. Всушност, многу луѓе ја дефинираат емоционалната афера како вљубување во некој без физички или сексуален контакт. Некои луѓе сметаат дека емоционалните афери не се некоја голема работа, но тоа не е така. Тие многу често завршуваат со физичко неверство, кое пак секогаш може да повреди некој.

Дали имам емоционална афера?

Најлесен начин да го дознаете тоа е искрено да одговорите на следниве прашања:

1. Ако мојот сопруг ги прочита пораките меѓу мене и оваа личност, што ќе си помисли?

2. Дали сакам мојот сопруг да го слуша разговорот што го водам со оваа личност?

3. Дали пријателството со оваа личност буди чувства на возбуда и романса?

4. Дали флертувам со оваа личност?

5. Дали се радувам на времето поминато со оваа личност?

6. Дали сметам дека не можам да живеам без оваа личност?

7. Што би му кажале моите колеги на сопругот за моето пријателство со оваа личност?

8. Дали разговарам за што било сексуално со оваа личност, иако сме немале никаков сексуален однос?

9. Дали намерно го лажам сопругот, криејќи работи за оваа личност? Дали мојот сопруг е свесен за мојата врска со оваа личност?

10. Дали се чувствувам виновно за врската со оваа личност?

Ако одговоривте со потврдно на кое било од овие прашања, можеби треба да ги разгледате вашите одлуки. Размислете кои би биле последиците од ова. Сепак, вие се познавате најдобро, и само вие можете да знаете дали имате емоционална афера. Ако се чувствувате неудобно, виновно или тажно кога размислувате за вашето тајно пријателство, можеби е време да му ставите крај.

Погледнете ги и овие знаци на емоционално неверство.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар