Чоколадни срца

Десерт со кој ќе ги изненадите вашите пријатели се токму овие вкусни колачиња во форма на срце. Задоволството да биде уште поголемо, тие се прелиени со чоколадо и наполнети со џем од вишни. А кој може да му одолее на вкусното чоколадо и слатките вишни?

Чоколадни срца

Потребни состојки за тестото:
  • 2 јајца
  • 4 големи лажици шеќер
  • 6 големи лажици млеко
  • 6 големи лажици масло за јадење
  • 1 пакетче ванилин шеќер
  • ½ пакетче прашок за печиво
  • 10 големи лажици брашно
  • џем од вишни
Потребни состојки за глазурата:
  • 100 грама чоколадо
  • 2 големи лажици масло за јадење
  • 1 голема лажица млеко
Начин на подготовка:

Во длабок сад изматете ги со миксер јајцата и шеќерот. Потоа додадете ги сите состојки кои се потребни за тестото, освен џемот од вишни. Смесата добро измешајте ја и ставете ја во модли во форма на срце. Потребно е да ги печете неколку минути. Кога ќе се оладат, исечете ги срцата на 2 дела, премачкајте ги со џем и повторно залепете ги.

Време е да ја направите глазурата. Стопете го чоколадото, потоа додадете го маслото за јадење и млекото. Со направената глазура прелијте ги срцата.

При сервирањето можете да бидете креативни и да ги украсите срцата со шлаг и неколку вишни.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот

Поврзани содржини

Остави коментар