Претходно
Чоколадни палачинки
Толку се лесни за подготовка… Вкусни – со гаранција! Ставете ги на листата на десерти со кои мора да ги изненадите најблиските…
Потребно е:
- 2 јајца
- 150 г брашно
- 300 мл млеко
- 30 г путер
- 40 г темно чоколадо (со 70% какао маса)
- 1 лажица какао
- 2 лажици шеќер
- 1/4 лажиче сол
Подготовка: Чоколадото исечкајте го на парчиња и заедно со путерот ставете ги да се растопат на пареа. Во сад ставете ги јајцата, шеќерот и солта, па со миксер изматете ги. Ставете половина од брашното помешано со какаото, 1/3 од млекото, па остатокот од брашното и на крај полека додавајте го остатокот од млекото, мешајќи за да добиете ретка смеса. На крај, во оваа смеса ставете ја растопената смеса од путер и чоколада. Добиената смеса оставете ја да отстои 1 час во фрижидер. Печете ги палачинките, широки и тенки. Од оваа смеса излегуваат околу 10 палачинки. 
Филувајте ги со свежо или карамелизирано овошје.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Значи никогаш немаше да ми текне на класична смеса за палачинки да додадам растопено чоколадо! 😀 Ова е MUST рецепт. Уште денес! Фалааа!
Мммм….Се настрвив 😀