Брзо, лесно и практично: Фризури кои можете да ги направите за само 10 секунди

Иако секоја од нас сака да има средена фризура, честопати повеќечасовното седење во фризерскиот салон ни причинува проблем. Меѓутоа, за нашата коса да биде убаво наместена, а со самото тоа и одлично стилизирана, не ни е потребно повеќе од една минута, а понекогаш дури и само 10 секунди. Уверете се и самите откако ќе ги погледнете овие фризури кои може да се направат за само 10 секунди.

1-brzo-lesno-i-praktichno-frizuri-koi-mozhete-da-gi-napravite-za-samo-10-sekundi-www.kafepauza.mk_

1. Една од најпрактичните, а воедно и исклучително елегантна фризура е коњското опавче со волумен. За оваа фризура ви се потребни 10 секунди, а сè што треба да направите е да ја поделите косата на два дела, еден под друг, а потоа и двата дела да ги врзете во опавче. Од горниот дел на опавчето издвојте неколку прамени кои со помош на чешел благо ќе ги истапирате за да постигнете дополнителен волумен, а потоа пуштете ги да паѓаат врз долното опавче. Со самото тоа долното опавче нема да се забележува, а вашата коса ќе изгледа побујна и пораскошна.

Брзо, лесно и практично: Фризури кои можете да ги направите за само 10 секунди

2. И неуредната пунџа може да изгледа доста уредно. За почеток, врзете ја косата во опавче, а предниот дел украсете го со венче кое благо ќе ја подигне. Од заврзаното опавче направете пунџа, така што ќе го завртите околу стегата и потоа, ќе го прицврстите со шноли. Откако ќе ја фиксирате вашата неуредна пунџа, со помош на чешел уше малку подигнете го горниот дел на косата и на тој начин ќе добиете уредна и женствена фризура, без да вложите премногу време.

Брзо, лесно и практично: Фризури кои можете да ги направите за само 10 секунди

3. За вашата коса да изгледа одлично наместена за 10 секунди, сè што ќе ви биде потребно се две шноли и малку вештина. Издвојте еден прамен од косата од левата или десната страна (изборот е само ваш), замотајте го, а потоа издвоениот прамен закачете го со шнолите така што прекрстени ќе ги прицврстите на косата. Тоа е тоа, вашата фризура е готова!

Брзо, лесно и практично: Фризури кои можете да ги направите за само 10 секунди

4. Малку поинакво опавче. Наместо да издвоите два прамени и да ги врзете во опавче на темето, ви предлагаме да направите мала магија со својата коса така што најпрво ќе ги завртите, а потоа ќе ги заврзете со стега за коса, исто како на фотографијата. Издвојте два прамени кои ќе ги оставите да ви паѓаат на лицето и уживајте во оваа прекрасна и практична фризура.

Брзо, лесно и практично: Фризури кои можете да ги направите за само 10 секунди

5. Заборавете на класичното закачување на шишките со шнола, кога вака наместената коса може да изгледа поинтересно. Сè што е потребно е да ги издвоите вашите шишки, така што праменот од издвоената коса ќе го направите во облик на триаголник, а потоа издвоениот дел од косата ќе го завртите, ќе го префрлите преку глава и ќе го прицврстите со шноли. Ќе бидете воодушевени со постигнатиот резултат, а вашата коса ќе изгледа поинтересно и повпечатливо.

Брзо, лесно и практично: Фризури кои можете да ги направите за само 10 секунди

6. За оваа фризура ви се потребни помалку од 10 секунди. Направете патец на страната од два издвоени прамени од косата, потоа префрлете ги зад уште и заврзете ги зад главата. За тоа време остатокот од косата држете го подигнат, а откако ќе ги фиксирате издвоените прамени, само оставете го слободно да ви паѓа на грбот.

Брзо, лесно и практично: Фризури кои можете да ги направите за само 10 секунди

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар