Претходно
Бисквит тортичка во шолја
Еве одличен начин како да ја разбиете монотонијата на денот. Тортичката со бисквити ќе ви помогне да ги изненадите најблиските и да се разгалите себеси дозволувајќи си вкусно чоколадно задоволство.
Потребни состојки:
- 2-3 лажици искршени бисквити
- 3 ½ лажици несолен растопен путер
- 2 лажици шеќер
- 1 јајце
- ½ кафена лажичка екстракт од ванила
- 30 г пченично брашно
- 2 лажици какао
- 1/8 лажица прашок за печиво
- Сосем малку сол
- 4 лажици ситни парчиња млечна чоколада
- Шлаг или маршмелоу
Начин на подготовка:
Во еден сад додајте 3 лажици путер и 3 лажици од парчињата млечна чоколада. Оставете да се растопат во микропечка 20-30 секунди. Во шолја додајте го останатиот путер и парчињата бисквити и промешајте добро. Смесата притиснете ја на дното на шолјата.
Јајцата, шеќерот и ванилата изматете ги со миксер додека смесата не стане хомогена. Во иситот сад додајте ги брашното, прашокот за печиво, солта и какаото. Добро мешајте додека не добиете густа смеса. Потоа додајте ја смесата од путер и чоколадо која претходно ја направивте и повторно промешајте. Додајте ги и останатите парчиња чоколадо.
Половина од оваа смеса додајте ја во шолјата со парчиња бисквити. Прелијте со шлаг или ставете неколку маршмелоу парчиња и потоа додадете ја останатата смеса. Оставете ја шолјата во микропечка од 1 до 2 минути (во зависност од микропечката). По желба повторно ставете шлаг или маршмелоу, пикнете ја шолјата во микропечка на 10 секунди и на крај наросете издробени бисквити.
Добар апетит!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
