Претходно
Анализирање, кршење на правилата и несекојдневен животен стил: Необичното однесување на интуитивните личности
Според некои теории, интуитивните типови луѓе се оние кои многу повеќе ги вреднуваат апстракциите, теориите и истражувањата на можностите, отколку дадената реалност на светот околу нив. Нив многу повеќе ги интересира она што не е очигледно и што не е искажано, отколку она што е. Во доминантниот свет, интуитивните личности често делуваат како чудаци и неприлагодени личности, чие однесување, избори и начин на живот не наоѓа разбирање од страна на останатите во околината. Еве некои однесувања поради кои интуитивните личности им изгледаат чудно на останатите.
1. Почнување дебата
Тие не започнуваат расправии и дебати затоа што се нељубезни и напорни, туку поради тоа што им е потребно да ја разгледаат ситуацијата од сите можни аспекти, да ги воочат „пропустите“ и суштината. Некои од нивните најдрагоцени увиди, се случуваат токму во текот на дебатата.
2. Не ги сфаќаат правилата од збор до збор
За нив правилата се повеќе упатства и сугестии за оние кои не размислуваат и не ги пронаоѓаат сопствените начини. Тие го анализираат секое правило обидувајќи се да сфатат зошто тоа постои и за што служи и доколку откријат дека тоа правило е ограничено, глупо, неефикасно и застарено, немаат никаков проблем да постапуваат на свој начин, раководени од сопствените вредности и размислување.
3. Премногу анализираат
Она што останатите го сметаат за претерано анализирање, премногу широко размислување, за интуитивните личности е вообичаен начин на ментално функционирање. Размислувањето и анализирањето не бараат никаков напор, го збогатуваат разбирањето, ја прошируваат перспективата, ја изоструваат перцепцијата и – забавни се. Она од кое другите ги боли главата, за интуитивните е лесна ментална гимнастика, односно загревање за сериозни когнитивни процеси.
4. Ги преиспитуваат авторитетите
Како што ги преиспитуваат правилата и не чувствуваат обврска да ги почитуваат, така ги доживуваат и авторитетите. Никој не го заслужува нивното почитување само поради својата позиција. Тие кон авторитетите се поставуваат опуштено и рамноправно, и никогаш не се попустливи и склони кон полтронство. Кога некого го почитуваат, тоа е поради неговата личност и човечка вредност, а не поради тоа што им е надреден и што може да им го згорчи или олесни животот. Самите тие многу ретко се на позиции со авторитет и воопшто, многу се сомнителни кон личностите кои сакаат моќ и контрола.
5. Страсно ја испитуваат различноста
За тоа сведочат нивните интереси, кругот на пријатели и познаниците, вкусот и културата. Интуитивните личности целиот свој живот настојуваат да ја видат широката слика на светот, да разберат сè и да ги спојат различностите и спротивностите. Тие имаат сосема посебен вкус, нивната општа култура е многу специфична, нивните интереси и хоби се многу поразлични и поневообичаени од оние кои имаат „нормална“ личност. Всушност, нив многу ги привлекува она што е надвор од границата на „нормалното“, бидејќи сè што е надвор од шаблонот овозможува подлабок увид и поширока перспектива.
6. Живеат селективен социјален живот
Интуитивните личности ја обожаваат самотијата, бидејќи таа им овозможува да им се препуштат на своите специфични интереси и мисловни процеси, па никогаш не им е досадно кога се сами, но затоа пак престојот помеѓу луѓето и учествувањето во групните интереси им претставуваат мачење – баналноста има поразувачко дејство на нив. Имаат различни пријатели со кои делат различни интереси, а тие пријатели никако не прават хомогена група – со секој од нив се дружат поединечно и делат различни интереси.
7. Им даваат предност на неконвенционалните животни стилови
Барајќи се себе во мноштвото разноликости, интуитивните личности усвојуваат и развиваат животни стилови кои не спаѓаат во стандардите на живеење во „нормалниот“ свет. Она што тие го сметаат за удобно, убаво и практично нема никаква врска со брендовите, модата и современата технологија. Честопати комбинираат ретро животни стилови со оние кои се далеку пред времето и живеат онака како што им налага нивното чувство за складност и исполнетост, поради што се изложени на сомневање. Тие ги преземаат нештата во своите раце, главно им зборуваат за себе на оние кои не ги познаваат и кои се срамат од различноста и невообичаеноста.
Odlicno 😀