8 причини зошто ништо во животот не ве прави среќни и решенија за да го подобрите тоа

8 причини зошто ништо во животот не ве прави среќни и решенија за да го подобрите тоа

Чувствувате ли дека треба да бидете посреќни? Можеби вашиот живот однадвор изгледа прилично добро, но однатре чувствувате некоја празнина. Погледнете ги овие причини зошто ништо не може да ве задоволи, а исто така и решенијата кои ќе ви помогнат да се насочите кон радоста во животот.

8 причини зошто ништо во животот не ве прави среќни и решенија како да го подобрите тоа

1. Имате нереално сфаќање за среќата

Ако имате голем автомобил, но постојано барате некој подобар или пак сте во љубовна врска, но се фокусирате на недостатоците на другата личност, тогаш можно е да имате прифатено нечие туѓо сфаќање за тоа како треба да изгледа среќата.

Решение: Вашите идеи најверојатно доаѓаат од филмовите или од сопствената фантазија, кога замислувате како сте побогати или славни. Меѓутоа, не треба да се водите според ова и да размислувате само за пари, позиција или изглед, туку треба подетално да се запрашате себеси што е она што навистина би ве направило посреќни.

2. Сѐ уште „живеете во средношколските денови“

Ако имате навика да се натпреварувате со соседите или чувствувате потреба да поседувате некои работи само затоа што ги имаат вашите познаници, тогаш тоа е знак дека сѐ уште размислувате како средношколци. Природно е да сакате да се вклопите и да чувствувате дека припаѓате некаде, но ова исто така може да доведе до тоа да бидете заглавени во чувството дека сте одбиени или чувството на помала вредност, како што се случува во средношколските денови.

Решение: Обидете се да се идентификувате себеси со различни луѓе кои се поврзани со вашите цели и вашиот возрасен живот – оние кои се грижат повеќе за создавање промени, отколку за материјалните работи. Тоа ќе ви помогне да пронајдете среќа.

3. Недостаток на длабоки врски

Ако ги споделувате своите чувства и мисли со некој, на Фејсбук или на Твитер, но сепак се чувствувате некако осамено, вашата несреќа најверојатно произлегува од недостаток на вистински врски со другите. Многу луѓе се чувствуваат токму како вас, но чекаат некој друг да го направи првиот чекор.

Решение: Излезете надвор и продлабочете ги врските! Поканете ги вашите познаници на ручек или кафе и запознајте ги подобро, поставувајте прашања за тоа што тие сакаат и што им е важно во животот. Исто така можете да излегувате во клубови или да се придружите на некои групи кои ги делат вашите интереси, како на пример посетување часови за изучување странски јазик.

8 причини зошто ништо во животот не ве прави среќни и решенија како да го подобрите тоа

4. Лоши спомени од минатото

Ако во минатото сте имале ниска самодоверба и секогаш чувствувате дека треба нешто да докажувате, тогаш тешко е да бидете среќни.

Решение: Погледнете кон минатото и обидете се да сфатите од каде доаѓа потребата за успех, а потоа променете ги своите ограничени верувања. Откако ќе прифатите дека сте доволно добри, вашата способност за среќа веднаш ќе порасне.

5. Емоционален затвор

Доколку мислите дека слабост е да барате помош, тогаш лесно можете да завршите обземени од емоции. Во таква ситуација, ништо не ќе може да биде доволно за да ве усреќи, затоа што вашиот товар е премногу тежок.

Решение: Прифатете го фактот дека кога одбивате помош, вие само го нарушувате своето ментално и физичко здравје. Побарајте терапевт или доверете ѝ се на некоја личност на која ѝ верувате. Кога ќе имате кој да ве поддржува, светот може да стане попријатно и побезбедно место за вас.

6. Борба со зависноста

Ако практикувате нешто премногу, без разлика дали станува збор за работата, пиењето, вежбањето, храната или нешто друго, ризикувате да развиете зависност, која ќе ве спречи да бидете вистински среќни.

Решение: Зависностите обично се заштитен механизам кој ви овозможува да го регулирате непријатното чувство, без соодветно да го третирате. Побарајте терапевт кој може да ви помогне да разберете како се појавува ова однесување и како можете да пронајдете поздрави алтернативи.

8 причини зошто ништо во животот не ве прави среќни и решенија како да го подобрите тоа

7. Трчате по среќата

Дали секогаш имате чувство дека ако направите само уште една работа, тогаш конечно ќе бидете среќни? Тоа би можело да бидат повеќе пари, друг дом, нов партнер, послабо тело… Но, без оглед што е тоа, се лажете ако мислите дека остварувањето на само уште една цел може да ви донесе мир. Подоброто расположение ќе биде само привремено.

Решение: Дознајте кои настани од минатото ве држат заглавени во несреќата. Зошто ви се потребни надворешни фактори за да бидете среќни? Пронајдете начини и вложете напор за да научите како да уживате во едноставните задоволства.

8. Не сте во можност да си пружите безусловна љубов

На крај, ако не можете да се погледнете во огледалото и да чувствувате љубов и прифаќање, тогаш не е ниту малку чудно што ништо не може да ве направи среќни. Начинот на кој се гледате себеси има голема улога во одредувањето на она што го привлекувате, а ако практикувате негативен говор (на пример „Не сум убав/а“ или „Никогаш нема да бидам паметен/на како другите“), тогаш едноставно не ќе можете да привлечете вистинска среќа.

Решение: Најважното нешто што можете да го направите е да го откриете изворот на негативност. Дознајте кои се вашите внатрешни рани и работете на нивно лекување. Бидете внимателни кон себе, грижете се и потсетете се дека не морате да бидете совршени, туку само треба да бидете доволно добри!


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Економист во изградба, а страстен обожавател на пишаниот збор уште откако знае за себе. Смета дека животот без домашно милениче не изгледа комплетен, а кафето со многу шеќер го смета за едно најубавите утрински задоволства.

Поврзани содржини

Остави коментар