6 јога вежби кои ќе ви помогнат да се ослободите од стресот

Сите сме се нашле во ситуација кога едноставно не можеме да излеземе на крај со обврските и пренатрупаноста со работа. Кога сме под стрес, нашите мускули се напнати, мислите несредени и многу потешко е да се сконцентрираме и ефикасно да ја завршиме работата. Токму поради тоа, наместо да губиме време пред компјутерот или над книгата без никаков ефект, можеби најдобро е да  се одвојат 10-ина минути за кратки вежби кои ќе нè вратат во нормала. Погледнете ги следните неколку вежби и применете ги следниот пат кога стресот повторно ќе нападне.

6 јога вежби кои ќе ви помогнат да се ослободите од стресот

1. Ослободување од вознемиреност и разбистрување на мислите

Клучно за релаксација е дишењето. Всушност, кога сме зафатени и сконцентрирани на некоја работа подолго време, нашето дишење е поплитко и доведува до недостаток на кислород во нашето тело. Длабокото дишење ослободува од штетни токсини и ни ја враќа енергијата. За оваа вежба потребно е да бидете удобно седнати со исправен ’рбет, можете на столица или на под. Вдишувајте низ нос додека броите до 4, задржете го здивот неколку секунди и издишете повторно броејќи до 4. Повторете го ова 10 пати и секој пат вашите мисли ќе бидат сè побистри и посредени.

2. Опуштање на тензијата во вратот и рамениците

Останете во истата седечка позиција, но овојпат испреплете ги прстите на дланките и истегнете ги рацете над главата со дланките нагоре. Потрудете се да ги држите рацете во линија со ушите, а рамениците опуштени, не треба да бидете напнати. Чувајте ги рацете во оваа положба пет вдишувања и потоа спуштете ги. Малку размрдајте ги рамениците и повторете ја целата постапка уште неколку пати.

6 јога вежби кои ќе ви помогнат да се ослободите од стресот

3. Вежба против вкочанетост во рамениците

Застанете исправено, така што стапалата да ви бидат поставени на ширина на колковите. Испружете ги рацете на двете страни, паралелно со подот. Потоа, свиткајте ги рацете и поставете ги двата лакта еден на друг, така да надворешните страни од дланките се допираат. Најдобро е за оваа постапка да го погледнете видеото.

6 јога вежби кои ќе ви помогнат да се ослободите од стресот

Вежбата помага за да ги опуштите рамената од долгото седење во неправилна положба. Всушност додека ги чувате рацете свиткани ќе забележите благо истегнување, а подоцна и олеснување. Истата постапка повторете ја со тоа што овојпат ќе ги свиткате рацете обратно.

4. Истегнување на градниот кош

Сè уште стоејќи исправено, истегнете ги рацете зад грб и спојте ги дланките во тупаница. Гледајте напред и со исправен ’рбет потрудете се, колку што можете да ги подигнете споените раце зад вас и така да ги задржите 5 вдишувања.

6 јога вежби кои ќе ви помогнат да се ослободите од стресот

5. Вежба за отстранување на напнатоста во вратот и ’рбетот.

И оваа вежба треба да ја правите стоејќи исправено. Од позиција со исправен ’рбет и стапалата поставени во ширина на колковите, ставете ја едната рака свиткана во лактот над другата и наведнете се нанапред колку што можете повеќе. Задржете се во таа позиција и повторно направете 5 длабоки вдишувања. Можете благо да ги свиткате и колената доколку притисокот е преголем. Постапката повторете ја уште еднаш.

6 јога вежби кои ќе ви помогнат да се ослободите од стресот

6. Вежба за истегнување на грбот и колковите

Легнете на грб и свиткајте ја левата нога така што зглобот ќе ви биде поставен над десното колено, додека десното стапало ви е целосно прицврстено за подот. Зглобот од десната рака поставете го над левото колено. Другата рака ставете ја под левата нога и обидете се да ја фатите раката одозгора. Со двете раце околу левата нога, обидете се да ја повлечете накај себе. Ќе почувствувате истегнување во десниот колк. Потрудете се да останете во оваа положба 5 вдишувања. Повторете ја истата постапка со другата нога.

6 јога вежби кои ќе ви помогнат да се ослободите од стресот


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Од кога паметам вљубена сум во играта на зборовите и за мене нема поинтимен момент од оној кога сум сама со мислите пред празен лист хартија. Го ценам друштвото на убава книга, квалитетна музика и шолја турско кафе. Сакам стари предмети и ретро фотографии, особено оние кои со себе носат приказна. Дипломиран економист кој студиите ги преживеа благодарение на зависноста од чоколадо.

Поврзани содржини

  1. Clott Reply

    leach

Остави коментар