Претходно
5 здрави намирници што нема да го задоволат вашиот глад
Каква храна и да јадете, дури и да е со празни калории, одредено време ќе се чувствувате заситени. Но, прашањето е колку време ќе помине додека повторно не почувствувате глад. Во повеќето случаи најважни се мастите, хранливите влакна и протеините. Според нутриционистите, ако сето тоа го има доволно, ќе останете сити подолго време. Но, постојат и здрави намирници кои нема да го задоволат вашиот глад. Погледнете за што станува збор.
1. Леб од цело зрно
Точно е дека содржи многу хранливи влакна, но му недостасуваат масти и протеини. За да се справите со овој проблем, додајте му здрави масти како што е путерот од ореви, јајца или авокадо.
2. Овошен сок
Овошјето е полно со витамини, минерали и хранливи влакна, но нема ниту малку протеини или масти. Дури и кога сокот е целосно од овошје, вашето тело различно ги доживува намирниците кога се во цврста и течна состојба. Поради тоа, без разлика колку и да е хранлив тој сок, секогаш подобро е овошјето да го изедeте.
3. Зелено смуди
Тоа има малку калории, многу овошен шеќер, но ниту малку протеини и масти, па по него брзо ќе почувствувате глад. Што да направите во овој случај? Зголемете ја дозата на зелен зеленчук, но додајте и авокадо или путер од ореви. Можете да додадете и некој протеин, како што е на пример грашокот.
4. Белка од јајце
Иако има три до четири грама протеини, што би требало да биде доволно за да останете заситени, белката од јајце има малку калории и речиси е без масти. Затоа, слободно консумирајте ја и жолчката.
5. Кисели краставички
Генерално, сите туршии содржат пробиотици, што е одлична вест, но се и многу солени, поради кои ќе бидете жедни и брзо ќе почувствувате глад. Затоа, намалете го консумирањето кисели краставички и настојувајте секогаш после тоа да пиете доволно количество вода.
