4 тренди модни комбинации за на ниски температури

Некогаш е тешко да останете тренди кога температурите се застрашувачко ниски. Но нема причина да не се чувствувате удобно и модерно без оглед на ладното време. Трикот е во зимските аксесоари и топлите џемпери. Ова се 4 предлог-комбинации, задолжителни за девојките кои сакаат да бидат модерни и да се чувствуваат удобно на ниски температури.

Тренди и карирано

На ниски температури задолжително започнете со дебели хулахопки. Потоа одберете ја вашата омилена кошула, тесни фармерки и макси џемпер. Топлиот капут и удобните обувки се задолжителни, а изгледот „зачинете“ го со плетена лента за на глава, дебел шал и ракавици.

4 тренди комбинации на ниски температури

Топло и женствено

Започнете со кремасти панталони и туника на риги, и секако доколку е многу ладно одберете дебели хулахопки. Долга зимска јакна со каиш кој го истакнува струкот и чевли со крзно, ќе му дадат женственост на овој навидум обичен и секојдневен изглед. Секако, ракавиците и капата се задолжителни аксесоари.

4 тренди комбинации на ниски температури

Смели на ниски температури

Никој не ви забранува да ги покажете нозете кога времето е ладно, само прво осигурете се дека сте одбрале доволно топли хулахопки или хеланки. Потоа одберете долга туника или џемпер под кој можете да облечете обична блуза за да ви биде потопло. Долга црна јакна, може и кожна, и црни високи чевли се одличен избор за овој изглед, кој може да го надополните со плетен шал и зимска капа со некаков принт за да разбиете монотонија.

4 тренди комбинации на ниски температури

Снежно и слатко

Овој изглед е совршен за на снег. Повторно започнете со дебели хулахопки и едноставни фармерки, потоа одберете бела кошула и џемперче со интересен принт. Завршете го изгледот со долга јакна со крзно, високи чизми и плетена капа, кои кажуваат дека кул девојката е подготвена да чекори по снегот.

4 тренди комбинации на ниски температури


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

Остави коментар