14 едноставни начини на кои можете секојдневно да јадете авокадо

Доколку ви е потребен нов рецепт со авокадо или барем нов начин на кој можете да го јадете ова прекрасно овошје, тогаш погледнете ги наредниве 14 предлози.

14 едноставни начини на кои можете секојдневно да јадете авокадо14 едноставни начини на кои можете секојдневно да јадете авокадо

Авокадото изобилува со хранливи материи и е одлично за вашето здравје. Тоа содржи и до 20 витамини и минерали кои го одржуваат имунитетот и помагаат при регулирање на крвниот притисок. Ова се само неколку од причините зошто би требало секојдневно да јадете авокадо!

1. Пресечете го на половина, додадете прстофат сол и земете лажица.

2. Прескокнете го вообичаеното (кечап, мајонез, сенф) и заменете го со посолено пире од авокадо.

3. Направете инстант гвакамоле. Згмечете го авокадото и додадете малку лут сос. Јадете со топли тротиљи, целер или чипс.

4. Направете инстант смуди. Комбинирајте бадемово млеко, авокадо, смрзната банана и мед (по вкус), ставете ги во блендер и измешајте. Зачинете со свеж ѓумбир, лимета, замрзнато шумско овошје или диња.

5. Ставете во блендер зрели авокада, стопено чоколадо, бадемово млеко, какао во прав, прстофат ванила и засладете по вкус. Потоа оладете го во фрижидер и ќе добиете вкусен пудинг од авокадо.

6. Прескокнете го крем-сирењето и користете пире од авокадо со малку лимон за да го подобрите вкусот на лососот.

7. Турете мали парченца авокадо во оладена паста, па додадете исечкани пиперки и излупен морков. Додадете го вашиот омилен сос и измешајте добро.

8. Во кората од авокадото сипете малку оцет и додадете процедена туна одозгора.

9. Додавајте неколку парчиња авокадо на кој било оброк.

10. Измешајте го авокадото со црн грав, печена пченка, исечкан млад кромид, домати и чили пиперка. Измешајте со масло, оцет, сол и бибер.

11. За појадок, нанесете го на тост и додадете варено јајце одозгора. Декорирајте со кромид.

12. Испржете набрзина исечкан кромид и лук и додадете им малку ким. Потоа во блендер измешајте авокада, вода, лимета, сол, коријандер и мешавина од кромид на собна температура. На крај ставете и пржени ракчиња и коријандер за студена супа.

13. Во блендер ставете авокадо, масло, лимон, лук, ситно кромидче, сол и бибер со цел да направите вкусен сос за салата.

14. Направете пире од авокадо и потоа комбинирајте го со неколку капки лимета и зашеќерена вода. Замрзнете за да добите сорбет.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

Остави коментар