10 лесни и делотворни совети кои ќе ви помогнат да се изборите со летните горештини!

Уште како деца се радувавме на доаѓање на летото. Кога бевме мали, летото беше асоцијација за одмор, распуст и разонода. Иако пораснавме, факт е дека сѐ уште го сакаме летото, само не и неговата неподнослива топлина. Затоа, смисливме неколку совети кои ќе ви помогнат да излезете на крај со летото и неговите неподносливи горештини.

0-10-lesni-i-delotvorni-soveti-koi-kje-vi-pomognat-da-se-izborite-so-letnata-toplina-kafepauza.mk

1. Пред да си легнете испијте чаша вода – ова ќе ви помогне да ја вратите рамнотежата на вода во организмот и да се заштитите од дехидратацијата која ве очекува поради претераното потење во текот на ноќта и постојаното превртување во креветот додека сте во потрага по ладно место.

2. Ставете ладен воден пешкир на зглобовите, вратот, лактите и колената за телото да се олади.

3. Пред вентилаторот ставете чинија со мраз за да создадете клима ефект – благодарение на мразот ќе струи ладен воздух.

4. Ставете ги нозете во ладно – ова е уште еден брз и делотворен начин на разладување на телото. Можете да ставите леген со ладна вода покрај креветот и кога ќе се разбудите на сред вечер да ги потопите нозете за да се оладите и потоа повторно мирно да заспиете.

5. Замрзнете го чаршафот на кој спиете – пред да легнете ставете го чаршафот во замрзнувач, откако претходно ќе го спакувате во кеса за да не го апсорбира мирисот на храната и потоа ставете го на креветот. Ова ќе ви помогне брзо да заспиете додека постелнината повторно не се загрее.

6. Поставете вентилатор до прозорецот и свртете го кон прозорецот – на тој начин топлиот воздух ќе се изнесува надвор.

7. Спијте сами – сонот во прегратките на саканата личност може да ви донесе многу неудобности во текот на летните месеци.

8. На прозорецот закачете воден чаршаф – ова ќе ви донесе неколку часа божествен студ.

9. Купете перница која е полнета со хељда – таа не ја апсорбира топлината како перницата со пердуви и затоа ќе ве спаси од летните жештини.

10. Поставете чинија со мраз или ладна вода во собата – водата ќе испарува и ќе ја лади просторијата.

За авторот
Живее за добра книга и дише преку пишаниот збор. Кога би можела цел живот би патувала, би читала и би гледала филмови. Вљубеник во фотографијата и класиката. Оптимист и поборник за љубов. Модата е нејзин начин да го изрази своето мислење и став. Животот за неа е уметност, филозофија и добра храна.

Поврзани содржини

Остави коментар