37-годишен Норвежанец ги посетил сите 198 држави во светот!

Запознајте го 37-годишниот Норвежанец кој ги посетил сите 198 држави во светот

Норвежанецот Гунар Гарфорс дефинитивно спаѓа во групата исклучителни луѓе. Тој има 37 години и веќе ги посетил сите 198 држави во светот. Патувањето почнало како облог, а Гунар, не ни дал отказ од работа, туку работел од секаде каде што можел, бидејќи го носел својот лаптоп со себе.

(1) 37-godishen-norvezhanec-gi-posetil-site-198-drzhavi-vo-svetot-kafepauzamk

На прашањето која земја му е омилена, вели дека е тешко да се избере само една. Но, сепак, направил листа од 12 земји кои секој мора да ги посети.

Романија

„Трансилванија, најпозната по дворците, планините и Дракула, дефинитивно ќе ве освои. Романија ќе ја помнам и по пивото и незаборавниот ноќен живот во Букурешт“.

Мадагаскар

„Неспорно е дека Французите биле тука, а на брегот се шетаат лемури и има баобаб дрва“.

Исланд

„Исланд е голем остров сред Атлантикот. Ветровите и брановите тука се веќе милиони години! Земете си опрема за пливање и уживајте во топлите природни извори со минерална вода додека паѓа снег“.

Виетнам

„Во оваа земја ќе го сфатите вистинското значење на љубезноста. Не дозволувајте сообраќајот да ви го уништи престојот. Седнете, нарачајте пијалак, опуштете се и гледајте“.

Киргистан

„Неверојатна природа, шарени пазари и многу пријателски расположени луѓе. Носете си голема чаша за вотка од светска класа“.

(2) 37-godishen-norvezhanec-gi-posetil-site-198-drzhavi-vo-svetot-kafepauzamk

Кариби

„Рај. Без многу луксуз, со фантастични морски плодови. На Карибите гостопримството на локалното население е на високо ниво“.

Нов Зеланд

„Уживајте во белите, црни и златни плажи, во кој и да ви текне спорт на вода, бидејќи тука ги има сите, но и во многу други активности за кои не сте ни знаеле дека постојат“.

Никарагва

„Никарагва е интересна земја помеѓу Костарика и Хондурас. Тука ќе најдете легендарни места за сурфање и преубава природа“.

Брегот на Слоновата Коска

„Ова место е практично рај на Земјата. Очекувајте преубави плажи, идилични села и насмеани луѓе. Не очекувајте развиена инфраструктура“.

Доминиканска Република

„Има езеро, вулкан, скриени плажи и прашуми. Не само што звучи неверојатно, туку и навистина е“.

(3) 37-godishen-norvezhanec-gi-posetil-site-198-drzhavi-vo-svetot-kafepauzamk

Норвешка

„Наречете ме пристрасен, но ако не сте го виделе западниот дел од Норвешка, или нејзиниот север, тогаш не знаете што е пејзаж што воодушевува. Таа се состои од неверојатни планини, фјордови, незамисливи водопади, величествени глечери, мали села, а сонцето на полноќ ќе ве остави без зборови“.

Уругвај

„Оваа релативно неоткриена земја ми остави мирни и опуштачки спомени со многу возбудливи личности“.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Маријана е професор по македонски јазик и литература, којашто во слободно време ги истражува широките пространства на виртуелната култура.

Поврзани содржини

Остави коментар