Вистинската разлика помеѓу мажите и жените

Денес забележав дека мојот сопруг се однесува чудно. Имавме резервација за вечера во нашиот омилен ресторан и требаше вечерта да се сретнеме директно таму.

Отидов на шопинг со моите пријателки и малку задоцнив во ресторанот, но тоа беше целосно моја вина. Тој зборуваше помалку од вообичаено и можев да забележам дека нешто го мачи. Најпрво помислив дека се изнервирал од моето доцнење, но потоа сфатив дека најверојатно станува збор за многу подлабок проблем. Токму затоа и му предложив да се преместиме на место каде што нема толку гужва со цел да можеме да разговараме. Излеговме од ресторанот и влеговме во едно кафуле кое се наоѓаше во близина. Веднаш штом седнавме, го погледнав во очи и го прашав што не е во ред. Тој ги игнорираше моите емоции и рече дека сè било во ред. Токму затоа и продолжив да го прашувам да не сум јас виновна за неговото расположение, но тој постојано кажуваше дека не е вознемирен и дека немам причина за грижење.

Кога се враќавме накај дома, му реков „Те сакам“. Тој се насмевна, но продолжи да вози фокусиран на патот пред него. Сега навистина не можам да најдам објаснување за оваа ситуација. Зошто, зошто едноставно не ми кажа дека и тој мене ме сака? Кога стигнавме дома безбедно, јас бев уништена. Забележав дека тој одржува дистанца помеѓу нас и се однесуваше како воопшто да не постојам. Тој само седеше на каучот и ја гледаше неговата омилена ТВ серија. Му реков „Добра ноќ“ и отидов во кревет.

15-тина минути по мене, и тој влезе во нашата соба и се намести под ќебето. Брзо потоа заспа. Што се однесува до мене… Јас не можев воопшто да спијам бидејќи се обидував да сфатам што се случува со мојот сопруг. Чувствував како навистина да го губам. Мојот брак најверојатно ќе заврши… Целиот мој живот почна да се распаѓа!

Денес не успеав да го запалам мојот мотоцикл. Изгледа нешто сериозно не е во ред со моторот, но не можев да сфатам точно што се случува. Мислам дека треба да го однесам на механичар…

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?