Тестирајте ги вашите очи и откријте дали е потребно да посетите офталмолог

Дали вашиот вид е добар или имате некаков проблем при гледањето? Со помош на овие неколку тестови вие би можеле брзо и едноставно да откриете дали имате какви било потенцијални проблеми со видот, како и дали гледате добро блиску и/или далеку. Подготвени сте?

(0) Тестирајте ги вашите очи и откријте дали е потребно да го посетите вашиот офталмолог

Миопија

За да го направите овој тест успешно, мора да се поставите на соодветната оддалеченост од екранот…

  • 2,20 метри за 20-инчен екран
  • 1,50 метри за 17-инчен екран
  • 1 метар за 15-инчен екран
  • 75 сантиметри за 14-инчен екран

Покријте го едното око со вашата рака, без да притискате врз капакот и почнете да ги набљудувате овие две нули и бои, а потоа сменете го другото око и направете го тестот одново. Како ви изгледаат тие? Дали ја гледате едната нула појасно или потемно отколку другата?

(1) Тестирајте ги вашите очи и откријте дали е потребно да го посетите вашиот офталмолог

Вашиот вид е нарушен доколку ја видите нулата појасно или потемно во една од овие две бои. Генерално, ако ја гледате потемно и појасно во црвениот дел, вие најверојатно имате миопија или тенденција за миопија. Тоа значи дека вашето око не е способно да фокусира објект кој се наоѓа поделку од вас, но доколку тој објект е во близина, го гледате изострено.

Од друга страна пак, ако ја гледате поцрно или појасно во зелениот дел, вие дефинитивно имате хиперопија. Тоа е спротивно на миопијата, односно можете да ги фокусирате објектите во далечина, но не и оние во ваша близина. Во секој случај, посетете офталмолог со цел да ви помогне да откриете дали навистина имате проблем или не.

Гледање на далеку

Овој тест може да се направи со или без очила. За да го направите најдобро, мора да се поставите на соодветната оддалеченост од мониторот.

  • 2,20 метри за 20-инчен екран
  • 1,50 метри за 17-инчен екран
  • 1 метар за 15-инчен екран
  • 75 сантиметри за 14-инчен екран

Покријте го едното око со вашата рака, без притоа да притискате на капакот и обидете се да го прочитате следниот текст, буква по буква. Покријте го другото окото и повторете го тестот од почеток. Дали можете да ги видите сите букви со двете очи?

(2) Тестирајте ги вашите очи и откријте дали е потребно да го посетите вашиот офталмолог

Доколку успеавте да ги прочитате буквите и со десното и со левото око, вие најверојатно имате добра централна острина. Но, доколку не успеавте да ги прочитате сите букви, со едното или пак, со двете очи, тогаш потребно е да го посетите вашиот офталмолог.

Гледање од блиску

Овие проблеми во видот најчесто се појавуваат со годините и големи се шансите дека не ви е потребен тест за да откриете дали треба да носите очила. Но, доколку не сте забележале проблем додека читате, а сепак сакате да се проверите, тогаш погледнете го следниов тест.

Поставете се на 30-40 сантиметри од екранот, покријте го едното око со дланката, без притоа да притиснете на капакот и обидете се да ги прочитате овие реченици. Откако ќе завршите, покријте го другото око и повторете го тестот.

(3) Тестирајте ги вашите очи и откријте дали е потребно да го посетите вашиот офталмолог

Целта на овој краток тест е да го провери вашиот близок вид. Доколку имате потешкотии при читањето до крајот, тогаш би требало да се консултирате со офталмолог. Но, не грижете се, не е ништо страшно. Доколку имате над 40 години, тоа е веќе сосема нормално.

Астигматизам

Овој тест може да биде направен со или без очила. Поставете се отприлика на 1 метар од екранот и покријте го едното око со вашата рака, без да притискате на капакот и почнете да го набљудувате овој цртеж. Дали линиите ви делуваат исто или пак, некои од нив се поцрни, а некои побледи? Повторете го тестот и со другото око.

(4) Тестирајте ги вашите очи и откријте дали е потребно да го посетите вашиот офталмолог

Доколку некои линии ви делуваат посиво, а други поцрно, тогаш големи се шансите да имате астигматизам. Тоа значи дека постои оптички дефект поради кој вашиот вид е заматен. Поради овој дефект вашето око не е способно да се фокусира на објект и потоа да ја изостри неговата слика на ретината. Во секој случај, најдобро е да се консултирате со вашиот офталмолог.

Далтонизам

Овој тест, познат и како Ишихара, најчесто се користи за да се откријат далтонистите (личности кои не се способни да ги разликуваат црвената, сината и зелената боја). Постојат неколку поделби помеѓу далтонистите, оние кои не ја гледаат црвената, протанопи, оние кои не ја гледаат зелената, деутранопи, и оние кои не гледаат ниту сина ниту жолта, тританопи.

Тританопите не можат да бидат идентификувани со овој тест, но можат лесно да бидат откриени со друг тест кој го имаат сите специјалисти за очи. Постојат и луѓе кои имаат целосно слепило за бои, па го гледаат светот во нијанси на сиво. Овие луѓе се верува дека страдаат од ахроматопсија.

За да го направите тестот, поставете се на околу 1 метар оддалеченост од екранот. Што можете да видите во секој од овие кругови?

(5) Тестирајте ги вашите очи и откријте дали е потребно да го посетите вашиот офталмолог

Доколку не успеете да ги забележите броевите 8, 15 и 26 или пак, гледате други броеви, тогаш добро би било да го посетите вашиот офталмолог.

За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

Остави коментар