Претходно
Супер луксузниот Ролс-Ројс Фантом
Датум: 28 мај 2012
Коментари: 0
Неверојатниот луксуз со којшто се одликува најновиот модел на Ролс-Ројс е уште една потврда дека овој бренд е број еден кога станува збор за ваков тип автомобили. Новиот Фантом е перфектен за оние кои сакаат својот социјален статус да го потврдат преку својот автомобил.
Оној што ќе ја плати цената која што се движи од 400.000 до 500.000 американски долари ќе добие автомобил опремен со најлуксузните материјали ставени во кое било возило до сега. Користени се најфините кожни материјали добиени од специјално одгледани бикови, на подот има тенок слој од најмека јагнешка волна, а користени се дури шест видови дрво меѓу кои и махагон. Покрај класичниот внатрешен изглед, тука се некои од најсовремените електронски уреди кои даваат дополнителна безбедност во возењето.
Задните врати се отвораат обратно од предните, а за комплетирање на луксузното уживање инсталирани се и звучници со моќност од 420 вати.
Импресивни се и можностите на овој фантом на Ролс-Ројс. За само 5,7 секунди достигнува брзина од 100 км/ч благодарение на В-12 6,8-литарскиот мотор со 453 коњски сили.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
