Претходно
Стилски шлемови за градски велосипедизам
Многумина одбираат да возат велосипед без заштита на главата. Најчесто изговорот е од естетски или од практични причини – како би изгледале со шлем возејќи се по градските патеки и каде да го ставиме кога ќе стигнеме на нашата дестинација?
Урбаните шлемови Closca ги надминуваат двата проблеми. Тие се дизајнирани за да можат да се склопат (сплескаат) и да се сместат во чанта. Дополнително, тие имаат стилски облик и ги има во неколку различни дезени. И згора на сè, ги имаат поминато тестовите за безбедност. Како што велат креаторите: „овие шлемови ги спојуваат модата и заштитата. Тие се избор на урбаните велосипедисти“.
Засега се достапни 6 основни модели и 3 ексклузивни рачно изработени модели со принтови во леопард дизајн, црно животно и 100% волна со заштита за ушите. Исто така ќе биде возможно секој да си предложи и свој дизајн за кавер.
Креаторите на овој изум го претставија својот проект на веб-сајтот Kickstarter каде што побараа поддршка за финансиска помош и веќе ја остварија целта.
Останува уште да почекаме да почнат онлајн-нарачките и дистрибуцијата.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
