Претходно
Сте се запрашале ли некогаш зошто тетоважите се трајни?
Датум: 19 апр 2016
Коментари: 0
Илјадници години наназад луѓето ги користеле тетоважите за да комуницираат и да ги споделуваат религиозните верувања, да ги почитуваат племенските традиции, да го покажат социјалниот статус и да се потсетат на таа вечер кога биле многу пијани на факултет и решиле да го посетат салонот за тетовирање. Тетоважите се по потекло од Америка, но се голем дел од секоја култура.
Природно, многу љубители и не толку големи обожаватели се запрашале како е возможно тетоважите да останат трајно исцртани на нашата кожа? Според научните истражувања, нивната трајност е толку долга што дури била пронајдена и 5.300 години стара мумија која имала сѐ уште видливи и препознатливи тетоважи. Во тој контекст, прочитајте зошто всушност тетоважите се толку трајни и неуништливи.
Кожата е нашата прва борбена линија која застанува во одбрана на телото од страни и несакани бактерии и микроби. Таа може самата да се излечи кога е повредена, да ги затвори отворените рани и константно да се обновува, ослободувајќи се од мртвите клетки и создавајќи нови. Тогаш, како е возможно една игла и малку мастило да имаат толку голема дерматолошка моќ на трајност и перманентност?
Тоа се случува бидејќи иглата всушност го исцртува мастилото под епидермисот, односно надворешниот слој на кожата, во дермисот, односно вториот слој. Бидејќи дермисот не се ослободува од мртвите клетки и не ги отстранува старите како епидермисот, мастилото останува и не може да исчезне.
Се разбира, процесот на ставање мастилото дури до дермисот го информира имунолошкиот систем дека има закана за организмот и се испраќа соодветна дразба до мозокот. Белите крвни зрнца доаѓаат да ги уништат „напаѓачите“, но молекулите на пигментот се преголеми, па тоа нема ефект. Затоа, при првото тетовирање, кога организмот не е навикнат на ваквиот процес, некои од луѓето можат да искусат главоболки, вртоглавици, мачнина па дури и покачена телесна температура.
Единствениот начин да се отстрани една или повеќе тетоважи е тоа да се направи со ласер. Тој ги гори молекулите на пигментот и ги прави доволно мали за имунитетот да ги отстрани. Се вели дека овој процес е поболен од тетовирањето, па доколку сметате дека ќе се каете ако направите некој дизајн на тетоважа за кој не сте сигурни, тогаш не брзајте и размислете подобро со што навистина би сакале да го исцртате телото и какво значење би имала таа тетоважа за вас. Во продолжение, погледнете го информативното видео на „AsapTHOUGHT“ и дознајте нешто повеќе околу оваа тема.
