Што симболизира бојата на облеката која во моментов ја носите?

Веќе добро знаеме дека боите можат да имаат силно влијание врз нашето моментално расположение. Некои од нив влијаат позитивно, инспиративно, додека пак некои други знаат да ни го отежнат и веќе тешкиот ден. Токму затоа погледнете ја оваа листа и откријте како бојата на вашата облека може да влијае врз вас во текот на текот, но и што таa симболизира за вас…

Што симболизира бојата на вашата облека која во моментов ја носите?

Сива: Предизвикува индиферентност, како да не сакате да се изразите. Некои личности ја поврзуваат оваа боја со фиксираност, депресивност, безживотност и апатија.

Црна: Симболизира екстреми, вие сте подготвени на сè или ништо.

Златна: Симболизира авторитет, висока самодоверба, креативност и перфекција.

Сребрена: Таа укажува на емоционална стабилност и има моќ да ја отстрани или неутрализира негативноста.

Бронзена: Симболизира љубов и страст како во личните, така и во професионалните врски и остварувања.

Црвена: Стимулира енергија, топлина и здравје. Некои личности ја поврзуваат оваа боја со храброст, силна волја, брзина и наметливост.

Портокалова: Стимулира нови можности, креативност и ентузијазам.

Жолта: Ја буди менталната инспирација и ги полни со енергија вашите мускули. (Запомнете и срцето е мускул!)

Зелена: Инспирира баланс и хармонија, таа добро влијае и на умот и на телото.

Синa: Смирува и оладува.

Индиго: Како комбинација од сина и црвена, оваа боја ги комбинира посветеноста на сината и стабилноста на црвената. Индиго инспирира ладнокрвност, но истовремено и електрицитет.

Виолетова: Како боја на трансформацијата, таа го смирува менталниот и емоционалниот стрес. Оние кои медитираат веруваат дека виолетовата боја им ја зајакнува духовната моќ.

Бела: Таа е комбинација од сите бои, па токму затоа симболизира перфекција, баланс и хармонија.

Магента: Инспирира привлекување и помага при одржување на вниманието за да се постигне моќ.

Розова: Ја враќа младоста и инспирира искрен контакт со вашите вистински чувства.

Тиркизна: Ја зголемува интуицијата и сензитивноста, но и го намалува стресот.

Кафеава: Претставува цврстина и приземност, таа е природна и едноставна.

За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

  1. Katerina Reply

    WOWWW

Остави коментар