Што кажуваат за вас отпечатоците од прстите?

Постои научна дисциплина која се занимава со проучување на отпечатоците од прстите и која се нарекува дерматоглифика. Таа ни помага полесно да ги разбереме обрасците на нашите отпечатоци и начинот на кој тие се поврзани со нашата личност и однесување. Овие интересни откритија, преку различен пристап, ќе ви помогнат да научите нешто ново за себе.

Јамки

Што кажуваат за вас отпечатоците од прстите?

Јамките се највообичаениот образец кај Европејците. Овој дизајн на отпечатоците од прстите одговара на смирени и балансирани карактери. Луѓето со вакви отпечатоци вообичаено се сочувствителни и се обидуваат да им помогнат на другите луѓе. Иако се внимателни, вредни и одговорни, тие ретко преземаат иницијатива.

Главниот извор на информации и чувства за овие луѓе е интеракцијата со другите. Тие се емотивно предвидливи и имаат големо срце. Вообичаено се во одлична здравствена состојба, иако како деца веројатно биле често болни. По правило, луѓето со ваков образец имаат сангвиничен темперамент. Ја презираат работата за која немаат интерес. Ако имате јамки на сите прсти, тогаш имате голема имагинација и вие сте сонувачи.

Криви линии

Што кажуваат за вас отпечатоците од прстите?

Луѓето со ваков образец на прстите се енергични и самоуверени. Нивната самодоверба може да се забележи во нивната појава, држење и движења. Понекогаш таа се граничи со тврдоглавост и скоро никогаш не можете да ги натерате да го променат своето мислење. Секоја одлука што ја носат, за нив е конечна.

Овие луѓе вообичаено имаат проблеми со прилагодувањето на нова средина и со слушањето на туѓото мислење. Тие го формираат своето мислење од практични примери, но често преферираат да ги користат другите луѓе за остварување на своите цели. Луѓето со криви линии на своите отпечатоци најчесто имаат колеричен темперамент. Тие ја ценат уметноста и музиката и имаат изразен и уметнички говор на телото.

Вртлози

Што кажуваат за вас отпечатоците од прстите?

Луѓето со вртлози на отпечатоците од прстите се избувливи, но искрени и широкогради. Тие поседуваат природни таленти, брзо учат и се подготвени да го анализираат своето опкружување. Често почнуваат повеќе работи одеднаш и се откажуваат на половина пат, откако ќе го изгубат интересот. Овие луѓе имаа нестабилен карактер, непредвидливи се и ги кријат своите вистински чувства и мисли. Се стремат кон осаменост. Често се незадоволни од себе и се сомневаат во сѐ и во секого. Нивниот извор на импресии се наоѓа длабоко во нив, додека информациите најчесто ги собираат преку читање.

Нивниот темперамент е флегматичен. Говорат безизразно, тивко и бавно. Ако луѓето имаат вртлози на показалецот од двете раце, тогаш тие се родени мислители. Ги привлекуваат програмирањето, правните науки и истражувањата. Луѓето со ваков образец имаат сестран и комплексен карактер и често не се свесни за своите можности.


За авторот
Инженер под влијание на силни филмски маси. Далеку од реалноста, блиску до паметот. Иако крајот на филмот Живот го знаеме сите, сепак убаво е да уживаме додека трае.

Поврзани содржини

Остави коментар