Шармот на малите европски градови

Метрополите се познати и привлечни токму заради својата големина и раскош. За разлика од нив, малите гратчиња поседуваат топлина и мир карактеристични само за нив. Со еден збор, тие имаат душа.

Ви ги претставуваме најубавите мали градови во Европа, кои нема да ве остават рамнодушни.

Салцбург, Австрија (Salzburg)

Впечатливата архитектура во стилот на барокот е тоа што го прави ова место уникатно и интересно. Градот во кој има 3 универзитети, секоја година привлекува студенти од цела Европа. Салцбург е родното место на познатиот композитор Моцарт, што е причина плус да се посети ова гратче.

Шармот на малите европски градови

Мостар, Босна и Херцеговина (Mostar)

Мостар е најзначајниот град во Босна и Херцеговина. Изграден покрај реката Неретва, плени со старите градби кои потекнуваат од времето на Отоманската Империја. Најзначаен симбол на градот е Стариот Мост, по што е и именуван.

Шармот на малите европски градови

Хвар, Хрватска (Hvar)

Хвар е пристаниште во Хрватска. Опкружен со ѕидини во италијански стил изградени во 13 век, Хвар е познато туристичко место за летување.

Шармот на малите европски градови

Пореч, Хрватска (Poreč)

Најзначаен белег на градот е Базиликата Еуфразиан од 6 век, која е заштитена од УНЕСКО од 1997 година. Ова гратче, кое е старо скоро 2.000 години, шармира со својата смиреност и уникатност.

Шармот на малите европски градови

Чешки Крумлов, Р. Чешка (Český Krumlov)

Ова интересно гратче кое се наоѓа во јужниот дел на Р. Чешка, е значајно по својата единствена архитектура и грандиозниот замок, кој по големина е втор веднаш после замокот Хратчани во Прага, главниот град на Р. Чешка.

Шармот на малите европски градови

Карлови Вари, Р. Чешка (Karlovy Vary)

Градот на „кралските бањи“, е познат по многубројните минерални жешки извори, кои често се посетувани од славните личности. Овде се одржува и еден од најстарите, а воедно и најреномираните филмски фестивали во Европа.

Шармот на малите европски градови

Јорк, Англија (York)

Јорк спаѓа во т.н. заѕидани градови, околу кој се изградени ѕидини кои го заштитувале градот во минатото. Ова место има богато културно наследство и претставува центар на значајни политички настани кои се одвивале во минатото.

Шармот на малите европски градови

Колмар, Франција (Colmar)

Ова француско гратче со градби кои наликуваат како да се од бајките, е основано во 9 век. Многубројните музеи се карактеристичен белег на градот, од кои најпознат е музејот Унтерлинден.

Шармот на малите европски градови

Мајсен, Германија (Meissen)

Градот Мајсен се наоѓа во источна Германија и е познат како „центар на Саксонија“. Ова место вреди да се посети за да се види прекрасната катедрала Мајсен изградена во готски стил, порцеланот кој се произведува овде, како и замокот Albrechtsburg.

Шармот на малите европски градови

Кордоба, Шпанија

Кордоба се наоѓа во јужна Шпанија, Андалузија. За време на средниот век, овој град бил престолнина на исламскиот калифат и еден од најголемите градови во светот. Веднаш ќе ве маѓепса со импресивните архитектонски зданија, за кои вреди да се посети.

Шармот на малите европски градови


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот

Поврзани содржини

  1. ivana Reply

    ste mozele i ohrid da go dodadete na listava!

    • kjail Reply

      aj vazi 😉

  2. cece Reply

    Одличен избор на тема:-)) кој не би сакал сите да ги посети, па и да живее во нив. :-)

  3. Мицко Reply

    Ви фали Бриж од Белгија… Brugge – http://whc.unesco.org/en/list/996/gallery/

Остави коментар