Поспаниот возач е исто толку опасен колку и пијаниот

Во денешно време, постојат многу луѓе кои бараат бегство од реалноста, па затоа алкохолот и дрогата секојдневно стануваат сѐ попопуларни и поопасни. Меѓутоа, науката открила дека може да доживеете промени во главата и без да се опијаните.

Поспаниот возач е исто толку опасен колку и пијаниот

Луѓето пијат алкохол веќе стотици, ако не и илјадници години. Секако дека постојат поединци кои се доволно одговорни за да консумираат алкохол без да направат будали од себе или да си го уништат црниот дроб. Меѓутоа, секогаш преовладуваат неодговорните луѓе. Во секој случај, треба да знаете дека последиците од алкохолот не вредат за моменталното задоволство што ви го дава чашката. Постојат премногу негативни последици, ризици и опасности. Но, доколку не можете да си го замислите животот без да се поднапиете одвреме-навреме, науката открила нов начин на опијанување.

Иако безбедноста на овој метод е дискутабилна, сигурно е помалку опасен од алкохолот. Истражувањето спроведено од страна на Универзитетот во Калифорнија, Лос Анџелес открило дека недостатокот на сон може да предизвика промени во главата слични на оние што ги предизвикува алкохолот. Истражувачите дознале дека недостатокот на сон ја забавува комуникацијата помеѓу мозочните клетки, а како последица на тоа, сеќавањата не можат убаво да се формираат.

Оттука може да се заклучи дека истоштеноста може да го има истиот ефект на мозокот како и претераното пиење алкохол. Истражувачите исто така нагласиле дека недостатокот на сон и возењето не одат баш најдобро во комбинација, но не постои медицинска проценка што би можела да одреди дали возачот е премногу уморен.

Истражувачите ги надгледувале мозоците на 12 епилептични пациенти пред операција. По скенирањето на мозокот на пациентите, тие откриле дека недоволното спиење може да предизвика напади кај епилептичните пациенти. Тие претходно биле одржувани будни за да го скратат престојот во болница, со тоа што ќе ја забрзаат појавата на нападот.

„На исцрпениот мозок на возачот му треба подолго време да го регистрира она што го перципира. Преголемата истоштеност има слично влијание на мозокот како и пиењето премногу алкохол. Сепак, не постојат легални или медицински стандарди за препознавање на уморните возачи, како што постојат за препознавање на пијаните возачи“, изјавил авторот на истражувањето.

По добиените резултати, сигурно ќе се согласите дека би требало да постои начин на препознавање исцрпени возачи, а доколку таквиот возач е одговорен за нечии повреди, тогаш би требало да се смета за исто толку виновен колку и пијаниот возач. Одлуката да возите уморни е исто толку неодговорна колку и одлуката да возите под дејство на алкохол.

Доколку не можете да се откажете од алкохолот, барем почнете да го користите овој уред кој ќе ви каже дали сте премногу пијани за да возите.

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар