Претходно
Новиот концепт-автомобил од Форд, прекрасниот „Evos“
Датум: 10 окт 2011
Коментари: 0
Дизајнерите од Форд очигледно сериозно си ја сфатиле работата и создале едно величествено дело. Новиот концепт за автомобилот наречен „Evos“ е навистина изненадувачки за компанијата, која долги децении не отстапуваше од својот препознатлив стил и линија на автомобили. Не само што овој дизајн ќе биде пресврт во дизајнот на автомобилите направени од Форд, туку ќе го претставува и нивниот нов компјутерско-информациски систем.
Автомобилот ќе содржи систем кој ќе се прилагодува на навиките на возачот, ќе презентира информации за времето, состојбата на патиштата и многу дрги интересни работи. Возачот исто така, ќе може да избере на каков мотор ќе го вози автомобилот, електронски или бензинец, во зависност од перформансите кои ќе ги очекува, како и од потрошувачката.
Иако можеби автомобилот нема да се појави во блиска иднина, сепак врвниот дизајн, моторот и внатрешната електроника, даваат знак дека Форд сериозно размислува за својата иднина.
———————————————————————————————————————————————————————
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
