Претходно
Направете сами: Снешковци од чорапи и ориз
Снешковците од чорапи ќе бидат одличен украс во вашиот дом, но и прекрасна играчка за најмалите. Нив можете да ги направите брзо и евтино, а со сигурност ќе ви пружат огромна радост. Можете да ги користите како украс врз вашите полици или пак под новогодишната елка – секако ќе изгледаат прекрасно!
Еве што ви е потребно за нивна подготовка:
- Бели чорапи, стари или нови
- Конец
- Лепило
- Копчиња
- Ориз
Начин на подготовка
1. Најдобро е да изберете чорапи во бела боја, затоа што снешкото е бел, но можете да испробувате и со други бои. Најпрво треба да го исечете чорапот малку под петата.
2. Потоа превртете го наопаку и пресечениот крај подврзете го со конец.
3. Превртете го чорапот пак на лице и наполнете го со ориз, просо или амарант, речиси до врвот.
4. Врвот повторно врзете го со конец и добро прицврстете. Одвојте го со прстите делот за главата на снешкото и под неа уште еднаш цврсто заврзете со конец.
5. Залепете ги копчињата на неговото тело, а остатокот од чорапот искористете го за да направите капа за снешкото.
6. На местото на очите и носот можете да ставите шпенадли, но ако имате мало дете, можеби подобро би било подобро да ги нацртате со фломастер.
7. Земете уште малку ткаенина во друга боја и врзете ја како шал на снешкото.
Погледнете го видеото за подетално да ги видите сите чекори.
Бидете креативни и забавувајте се, па ако сте инспирирани направете и други празнични декорации за во вашиот дом!
