Претходно
Направете сами: Ново ланче од вашиот стар накит
Датум: 07 фев 2013
Коментари: 0
Одличен и многу креативен начин како од вашите стари ланчиња да си направите ново. Нема да ви одземе многу време, ви треба само трпение и желба за старото да го претворите во ново. Зошто би ги фрлале старите парчиња накит кои ни здодеале или излегле од мода, кога самите можеме од нив да направиме нешто ново, модерно и употребливо.
Потребни материјали:
- околу 30 см ланче со некаква декорација
- околу 90 см тенок ланец, пресечен на три делови
- 3 клопчиња конци во различни бои
- Ножички
Поставете два дела од потенкиот ланец еден до друг. Исечете околу 120 см од еден од конците и врзете го дупло на едниот крај од ланецот, како на сликата.
Конецот кој ви остана врзете го за крајот од другиот ланец. Продирајте го конецот наизменично во двата дела од ланецот, потоа врзете го на крајот.
До двата врзани ланци поставете го и третиот, најмал дел.
Со конец во друга боја, врзете го крајот на третиот ланец, и повторете ја постапката, со што ќе го поврзете со останатите два. Заврзете го на крајот.
Ланчето, кое би требало да биде еднакво по должина со третиот ланец, поставете го веднаш до него.
Со третиот конец, внимателно врзете го ланчето со веќе поврзаните делови, како што е прикажано на сликата. Додека го врзувате со конецот, поставете го ланчето во заоблена положба, како да е веќе ставено на нечиј врат, со цел да не се витка и деформира.
Со конец врзете ги двата краеви на ланчето, за да ги споите сите конци кои останале од врзувањата.
Вашете ново ланче е готово и спремно да оди со вашата омилена комбинација на облека.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
