Направете сами: Цветни украси за свеќи за пријатен амбиент

Брзо и лесно, со малку креативност и слободно време, ќе направите прекрасни украси за свеќи за пријатен амбиент во вашиот дом.

Направете сами цветни украси за свеќи за пријатен амбиент

Потребно:
  • Хартиени листови во неколку различни бои
  • Стаклен држач за свеќи
  • Пенкало
  • Ножици
  • Шестар
  • Селотејп
  • Течен лепак

Направете сами: цветни украси за свеќи за пријатен амбиент

Поставете го стаклениот држач на листот хартија и исцртајте го по краевите со пенкало.

Направете сами: цветни украси за свеќи за пријатен амбиент

Поставете ја иглата на шестарот во центарот на кругот и отворете го шестарот на околу 8 cм ширина па исцртајте круг. Доколку немате шестар употребете каков било кружен предмет кој би ви завршил работа.

Направете сами: цветни украси за свеќи за пријатен амбиент

Внимателно нацртајте цвет меѓу двата круга. Доколку не можете прецизно да го исцртате со пенкало, употребете го шестарот, така што иглата ќе ја поставите на работ од поголемиот круг и ќе повлечете полукружна линија од едниот до другиот крај на кругот, потоа ќе ја поставите онаму каде завршува полукругот што го исцртавте и ќе повлечете нов полукруг, сè така додека не исцртате цвет.

Направете сами: цветни украси за свеќи за пријатен амбиент

Внимателно исечете го цветот и со ножиците исечете дел од внатрешноста на помалиот круг.

Направете сами: цветни украси за свеќи за пријатен амбиент

Како што е прикажано на сликата, со ножиците направете мали исечоци во малиот круг.

Направете сами: цветни украси за свеќи за пријатен амбиент

Повторете ги овие чекори за да направите онолку цветови колку што ви се потребни.

Направете сами: цветни украси за свеќи за пријатен амбиент

Поставете ги цветовите еден врз друг, така што по малку ќе ги накосувате, и свиткајте ги исечоците во средината на круговите.

Направете сами: цветни украси за свеќи за пријатен амбиент

Вметнете го стаклениот држач за свеќи и со селотејп залепете ги испакнатите исечоци за држачот, како што е прикажано на сликата.

Направете сами: цветни украси за свеќи за пријатен амбиент

Со помош на течен лепак, залепете една лента хартија околу долниот дел на држачот за да биде естетски поубаво.

Направете сами: цветни украси за свеќи за пријатен амбиент

Може да ги поставите на вашата трпеза или како украси во дневната соба. Со внимателно одбирање на боите ќе ви бидат украси без разлика на сезоната, а вашиот дом веднаш ќе стане попријатно и естетски поубаво место за живеење.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

Остави коментар