Најдивите и најубавите места во Пакистан

Поради географската положба, сместен буквално меѓу Арапското Море и Хималаите, Пакистан нуди прекрасни пејзажи, културно наследство, делови од поранешниот Пат на свилата, како и културно-историски споменици. Затоа, за оние кои сакаат да патуваат, но и не се плашат од авантури, Пакистан е идеалната дестинација. Ова се локациите кои не смеат да ги пропушат оние авантуристи кои следниот подвиг ќе го реализираат токму во оваа азиска држава:

1. Национален парк Деосаи

Пакистан: Авантура од Арапското Море до Хималаите

Секоја пролет овој национален парк се претвора во палата на ретки диви цвеќиња и пеперутки, кои излегуваат по првите сончеви зраци. Исто така, често може да се сретнат и тибетските волци и лисици, како и ретките златни дабари. Од 1993, Деосаи има статус на заштитена област, за да се заштити загрозената хималајска кафеава мечка, а од 2016 е и заштитено светско наследство.

2. Долината Каган

Пакистан: Авантура од Арапското Море до Хималаите

Оваа долина со себе носи и прекрасна легенда за љубовта на принцот од Персија, кој се вљубил во девојка што ја запознал покрај водите на езерото Саифул Мулук (на фотографијата погоре). Но, во неа бил вљубен и џин, кој ја држел како заложничка. Таа му избегала за принцот, по што џинот ја поплавил долината со своите солзи, а денешните езерца сведочат за неговата голема тага.

3. Реката Хунза и смрзнатите врвови

Пакистан: Авантура од Арапското Море до Хималаите

Покрај реката Хунза има глечери и стрмни планини со смрзнати врвови. Ова место често се користи за кампување и за кратки паузи кај авантуристите кои сакаат да ги освојат планините Хинду Куш. Долината на реката Хунза е природен дом на снежни леопарди, диви кози и црвени лисици.

4. Национален парк Хингол

Пакистан: Авантура од Арапското Море до Хималаите

Освен што е препознатлив по ендемичните видови животни, овој национален парк е и регион со активни вулкани со кал. Активноста е предизвикана од хемиски реакции на вода и гас под Земјината кора. Кога се исфрла калта, се формираат конусни творби. Некои верници ги користат и како храмови.

5. Глечерот Балторо

Пакистан: Авантура од Арапското Море до Хималаите

Ова е еден од најголемите котлински глечери, тешко достапен, освен за професионалци. Се наоѓа меѓу три планински врвови. Топењето на мразот е од животно значење за жителите на Каракорам, северен Пакистан, кои ја користат водата за наводнување.

6. Езерото Атабад

Пакистан: Авантура од Арапското Море до Хималаите

Се наоѓа во долината Хунза. Има тиркизна боја и се простира врз карпест терен. Иако денеска е едно од најубавите места, минатото на ова езеро е доста тажно. Во 2010, по голема поплава и влечење на земја, биле поплавени околните градови, а карпа го блокирала течението на реката Хунза. Ова предизвикало масовно селење од селото Атабад, а езерото кое останало денеска е една од омилените дестинации за релаксација за локалните жители.

За вистинските авантуристи – Азиски острови кои треба да се на листата на секој сонувач и авантурист!

За авторот
Голем љубител на „Star Wars“ и трилер-романи. И многу сакам мачки!

Поврзани содржини

Остави коментар