Mодел со „плус големина“ целосно се соголува пред камерите и отворено зборува за своето тело

Mодел со „плус големина“ целосно се соголува пред камерите и отворено зборува за своето тело

Британскиот модел со „плус големина“, Оливија Кемпбел, која истовремено е и самохрана мајка, се ослободи од својот емотивен товар и се соблече по долна облека за време на интервју за проектот „Што лежи под површината“ – документарец во кој жените се соголуваат емотивно и физички пред камера.

Погледнете како овој модел со плус големина целосно се соголува пред камерите и отворено зборува за своето тело

„Според мене, нема ништо лошо во тоа да се биде подебел“, вели Кемпбел во нејзиното разголено интервју кое на моменти е исполнето со солзи. „Јас сум дебела. Јас навистина сум дебела“, вели Оливија додека ги покажува своите бутови и го соблекува палтото како да сака да докаже нешто. „Тоа е само една обична описна придавка.“

Но, Кемпбел не се чувствувала отсекогаш толку удобно во своја кожа.

„Со години тоа беше најлошото нешто што некој можеше да ми го каже“, вели таа потсетувајќи се на периодот кога имала 11 години и момчето во кое била вљубена ја нарекувало бафало.

Погледнете како овој модел со плус големина целосно се соголува пред камерите и отворено зборува за своето тело

Таа го напуштила училиштето кога имала 15 години за да се заштити од сексуалното и емотивното малтретирање од страна на нејзините соученици. За Кемпбел, тоа бил најтешкиот период од нејзиниот живот бидејќи и нејзината мајка и нејзината маќеа истовремено дознале дека се болни од рак. Оваа несреќа ја поттикнала да си постави цел во животот, да се избори со депресијата и конечно да се прифати себеси онаква каква што е.

„Тие луѓе не допираат до мене сега“, вели таа додека емоциите почнуваат да ја надвладуваат. „Но, јас плачев и плачев со години и со години мислев дека сум безвредна и бескорисна. Зборовите се моќни, многу моќни, исто како делата.“

Mодел со „плус големина“ целосно се соголува пред камерите и отворено зборува за своето тело

Сега гордо вооружена со висока самодоверба, овој модел нема воопшто намера да ослаби за да се вклопи во рамките на општествените стандарди за убавина.

„Веројатно би можела да го променам телото ако вежбам 13 часа на ден и јадам целер“, вели таа додека полека почнува да се соблекува. „Но, јас имам живот, јас сум мајка, имам попаметни работи за правење.“

Сега Кемпбел го прифаќа она што го гледа во огледало, а што порано го одбегнувала.

„Поминувам гола покрај огледало, и си помислувам, браво!“

Кемпбел го завршува интервјуто со зборовите:

„Јас уживам во моето тело, и уживам во моето лудило“.

Погледнете го неверојатното видео кое целосно ќе ви ја смени перспективата кон вашето тело…


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар