Претходно
Мистериозните лизгачки камења во Долината на смртта
Датум: 17 мај 2012
Коментари: 0
Тагови: Долина на смртта, Калифорнија, НАСА, Рејстрак Плаја, ветар, камења, лизгачки, мистерија, мраз, научници, теорија
Долината на смртта е голем национален парк во Калифорнија полн со разни природни атракции. Дел од него е и Рејстрак Плаја, басен на пресушено езеро кое изгледа многу здодевно сè додека не се забележат камењата кои самите се движат по неговата каллива површина.
Овој феномен се случува на секои две или три години, а причините кои стојат зад него сè уште се мистерија. Единствено што се знае е тоа дека камењата кои пред извесно време стоеле на едно место, сега се преместиле на друго, оставајќи јасна трага зад нив. Нема никакви знаци дека човек или животно помогнале во тоа, а нема ниту видео снимка која ќе ја разреши мистеријата.
Истражувачите до сега развиле повеќе теории, а речиси сите од нив вината им ја припишуваат на силните зимски ветрови. Тие дуваат од југозапад кон југоисток, а најголемиот дел од правите траги зад камењата одат во истата насока. Други научници причината ја бараат во тенките слоеви мраз кои настануваат во зимата. Според нив, тоа или создава перфектни услови за ветрот да ги помести тешките камења или се формираат мали санти мраз кои го лизгаат каменот.
Лизгачките камења во Рејстрак Плаја се голем предизвик и за научниците на НАСА, чии обемни истражувања не довеле до откритие, тука само до нови теории. Додека не ги испитаат нив, овие камења ќе останат една од најголемите неразрешени мистерии во светот.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
