Луѓе заглавени во сопствената глупост

Некои луѓе прават глупави работи затоа што немаат што паметно да направат. Некои од нив дури и глупостите ги прават на глупав начин. Ова се 6 такви примери.

Заглавен на детско столче

Ирец отишол да касне во Мекдоналдс и од само за него познати причини седнал на едно од оние високи столчиња наменети за мали деца и се заглавил. Имал испиено доста алкохол, па на крај морала да дојде полицијата и да го извади од столчето. Инаку, според менаџментот на Мекдоналдс, секој што седнува на таков стол мора да биде под надзор на родител.

Луѓе заглавени во сопствената глупост

Заглавен во мобилен тоалет

Кога некои луѓе виделе еден Јужноафриканец како е заглавен во тоалетот, си помислиле дека излегува од ВЦ шолјата. Тоа и не е толку чудно со оглед на тоа што му се гледале само главата, рацете и нозете. Бизарниот настан се случил во Кејптаун на едно градилиште. Кога обезбедувањето пристигнало му требале 40 минути за да пронајде начин како да го извлече кутриот човек од тоалетот, додека овој беспомошно чекал да им текне што било.

Луѓе заглавени во сопствената глупост

Главата заглавена во стол

Еден ученик во основно училиште во САД фантазирајќи дека е Дарт Вејдер во борба со Боба Фет (ликови од филмот „Војна на ѕвездите“) ја пикнал главата меѓу просторот за седење и потпирачот на едно столче во училиштето за да го користи како штит. Дури откако се изнаиграл сфатил дека е главата му е заглавена во столот, па пожарникарите морале да го ослободуваат.

Луѓе заглавени во сопствената глупост

Крадец заглавен во отвор за вентилација

Еден ситен крадец се обидел да ограби аптека влегувајќи преку отворот за вентилација доцна навечер, онака како што прават на филмовите. Го отворил капакот, влегол во отворот, се упатил кон пленот, но не стигнал до него затоа што се заглавил. Помошта стигнала следното утро, кога го слушнале како плачејќи моли за помош.

Луѓе заглавени во сопствената глупост

Затвореник заглавил во ѕид за време на бегство

Неколкумина затвореници во Бразил, користејќи цевка украдена од затворското купатило направиле дупка во ѕидот преку која требало порано да стигнат до својата слобода. Првиот кој поминал низ дупката бил ситен и лесно го собрало, но вториот бил многу покрупен и се заглавил. Дури ни натчовечките напори на затворениците кои чекале ред позади него не му помогнале да се протне низ дупката, па затворските чувари немале избор освен да ги повикаат пожарникарите на помош.

Луѓе заглавени во сопствената глупост

Крадец заглавен во оџак

Седумнаесетгодишен креативен крадец од САД сакал да влезе во една куќа за да ја ограби и избрал тоа да го направи преку оџакот. Се заглавил и не стигнал далеку. Почнал да вика, да пишти, да лелека, и тоа траело цели 12 часа додека соседот не го слушнал и не повикал полиција. Интересно, сопственичката на куќата рекла дека таа не слушнала ништо цела ноќ.

Луѓе заглавени во сопствената глупост

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар