Претходно
Кралски хотел со поглед кон Ајфеловата кула
Датум: 24 авг 2013
Коментари: 0
Како што ќе пристигнете во хотелот „Shangri-La Hotel“ во Париз, веднаш ќе се почувствувате кралски и тоа не само поради неговата елегантна фасада и гламурозен внатрешен дизајн, туку бидејќи тој е бившиот дом на принцот Роналд Бонапарта, внук на Наполеон Бонапарта.
Внимателниот персонал и дискретното пријавување во хотелот, веднаш ќе направат и вие да го почувствувате кралскиот третман. Воедно, погледот од вашата соба кон Ајфеловата кула и кон реката Сена, тотално ќе ве вџашат. Старовремската елеганција на собата, вкусно уредена од рацете на професионалци, совршено го отсликува градот кој лежи под неа.
Хотелот располага со 101 соба и 36 апартмани и сите се различно дизајнирани. Ентериерот нуди пријатна хармонија од текстури и бои и неверојатна удобност. Секоја соба има мермерна бања со загреан под, када и туш низ кој водата паѓа како дожд и двојно лавабо над кое има рамен екран, интегриран во големо огледало. Повеќето од собите имаат големи прозорци кои овозможуваат убав влез на природна светлина, а дел од нив имаат и поглед кон Ајфеловата кула директно од кадата. Во секоја соба има козметички производи од линијата „BVLGARI White Tea“.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
